Indorerezi ikomoka mu Bugande yatangaje ko ibi byabere ahitwa Garsale ku birometero 10 uvuye mu mujyi wa Jowhar na kilometero 80 uvuye mu murwa mukuru Mogadishu.

Bivugwa ko aba barwanyi ba Al-Shabab bashyize intwaro hasi mu gicuku cyo kuwa gatandatu nyuma y’imirwano ikomeye yahitanye umunani muri bo.

Mu itangazo iyi ndorerezi yashyize ahagaragara ryagiraga riti "Ku mugoroba, abarenga 200 bari bashyize intwaro hasi nyuma bajya mu maboko ya AMISOM.
Uyu mubare ukaba ushobora kwiyongera ukagera kuri 250."

Iyo mirwano ikaze yahitanye bamwe mu bayobozi bakuru babiri b’uyu mutwe kandi bivugwa ko aba barwanyi bacitsemo ibice. AMISOM ikaba itangaza ko yafashe imbunda 80.

Umuyobozi wungirije wa AMISOM ushinzwe ibikorwa, Brig Michael Ondoga yagize ati "Igikorwa cy’uyu munsi kigaragaza ko ubu al-shabab irimo ibice kandi iri gutsindwa mu mpande zitandukanye za Somalia.”

Somalia iri gutera intambwe igana ku gihugu gifite umutekano kitarangwa n’iterabwoba n’ubugizi bwa nabi.

Impinduka muri politike yararangiye ubu Abanyasomaliya bafite amahirwe yo gufatanyiriza hamwe bakagira ejo hazaza harangwa n’umutekano.

Benjamin Nyandwi