Bayern Munich itsindiye igikombe cya shampiyona mu gihe hasigaye imikino irindwi ngo shampiyona irangire ariko kuri ubu niyo Bayern Munich yatsingwa imikino yose isigaje yose yamaze kugwiza amanota ayemerera kwegukana igikombe cya shampiyona y’Ubudage. Ibi kandi bije bikurikira umwaka ushize, ubwo iyi kipe yari yegukanye iki gikombe nabwo bisa n’aho hakiri kare.

Abafana ba Bayern Munich bishimiye cyane igikombe ikipe yabo itwaye hakibura imikino myinshi ya shampiyona.

Iyi kipe yabigezeho nyuma yo gutsinda Hertha Berlin yari yasuye ibitego 3-1 mu mukino wabahuje wa shampiyona aho abakinnyi nka Toni Kroos, Mario Gotze na Frank Ribbery batsinze ibitego bitatu bya Bayern Munich.

Umukino Bayern Munich yakinnye wabaye uwa 19 ikinnye yikurikiranya idatsindwa. Ikipe ya Bayern Munich yegukanye igikombe ifite amanota 77, ikaba irusha amanota 25 ikipe ya Borussia Dortmund iyikurikira ku rutonde rwa shampiyona kuko Dortmund ifite amanota 52.

Ikipe ya Beayern Munich itwaye shampiyona yarakinnye imikino 27 itsindamo 25 inganya imikino ibiri busa ikaba itarigeze itsindwa kuva yatangira iyi shampiyona yegukanye.

Safari Viateur