Ibyaha Kazungu yahamijwe birimo kwica ku bushake, gusambanya ku gahato, iyicarubozo, kwinjira mu makuru ya mudasobwa cyangwa uruhererekane rwa mudasobwa mu buryo bunyuranyije n’amategeko, guhisha umurambo, gukoresha ibikangisho no gufungira umuntu ahatemewe yakoreye aho yari acumbitse, mu kagari ka Busanza, Umurenge wa Kanombe mu karere ka Gasabo.

Urukiko rwategetse ko Kazungu aha indishyi z’akababaro abantu bagizweho ingaruka n’ibyaha yakoze, miliyoni hafi 30 Frw. Harimo uwo azishyura miliyoni 12 Frw, uwa miliyoni 6 Frw, babiri akazabishyura miliyoni 5 Frw abandi babiri naba akabaha miliyoni 3 Frw.

Urukiko rwategetse Kazungu guha nyir’inzu yakodeshaga, Shyirambere Augustin, indishyi ya miliyoni 1.330 Frw yo gusana ibyo yangije.

Urukiko rwagaragaje ko ibyaha Kazungu Denis yakoze ari indengakamere bityo ko atagabanyirizwa ibihano nkuko yari yabisabye.

Kazungu kuva yagezwa imbere y’ubutabera, yemera ibyaha byose yakoze, agasaba kugabanyirizwa ibihano.

Kazungu yasobanuye ko yakoze ibi byaha wenyine, ariko kuva yatangira kuburana yavuze ko atazi impamvu yamuteye kwica abo bantu.

Kazungu yatawe muri yombi muri Nzeri 2023 azira kwica abantu 12 akabata mwobo wari mu gikoni cy’aho yari acumbitse, mu kagari ka Busanza, Umurenge wa Kanombe mu karere ka Gasabo.

MENYA UMWANDITSI

Ernestine Musanabera

Umunyamakuru

@ musanatines

Reba inkuru zose nanditse ( 1483 )