KT TV
Volkswagen igiye gutangiza uruganda ruteranya imodoka mu Rwanda
Leta y’u Rwanda n’uruganda rwa Volkswagen rwo mu Budage rukora amamodoka, baragirana amasezerano agamije kwemerera urwo ruganda gutangira kujya ruteranyiriza imodoka mu Rwanda.
Aya masezerano ateganyijwe gusinywa kuri uyu wa Gatatu tariki ya 21 Ukuboza 2016, hagati ya Francis Gatare, Umuyobozi mukuru wa RDB na Thomas Schaefer, Uhagarariye Volkswagen yo muri Afrika y’Epfo ndetse na Dr Herbert Diess, Umuyobozi mukuru wa Volkswagen ku rwego rw’isi araba ahari.
Nk’uko bitangazwa n’Ubuyobozi bwa Volkswagen, aya masezerano ngo ashingiye kuri gahunda bise “VW’s ThinkBlue”, yerekeranye no gukora imodoka zibonerwa amapiyesi mu buryo bworoshye (easy to maintain).
Ashingiye kandi mu gukora imodoka zitangiza ibidukikije zihumanya ikirere, kuko ziba zikoresha lisansi nkeya kandi zigasohora umwotsi mucye.
Muri aya masezerano hakubiyemo amategeko abiri agenga ibijyanye n’imyuka isohoka mu modoka yangiza ikirere agomba kubahirizwa na Volkswagen, nk’uko byasohotse mu itangazo RDB yashyize hanze.
Muri ayo mategeko harimo irijyanye no kubungabunga umwuka , ryemejwe muri Nyakanga 2016.
Harimo kandi n’umushinga w’itegeko rigena ibijyanye no gupima imyotsi isohoka mu binyabiziga, ryakozwe n’ikigo cy’iguhugu cyita ku bidukikije (REMA).
Uwo mushinga w’itegeko wakozwe na REMA uteganya ko ibinyabiziga bitwara abantu n’ibintu mu buryo bw’ubucuruzi, zazajya zisuzumwa kabiri mu mwaka, naho ibinyabiziga by’abantu ku giti cyabo, bigasuzumwa rimwe mu mwaka gusa .
Ubuyobozi bwa Volkswagen butangaza ko aya mategeko buzayubahiriza neza, kuko ngo uru ruganda rugamije gukora imodoka zinywa lisensi nkeya ku buryo bushoboka.
Nk’uko ari intego y’uruganda rwa “Volkswagen” yo gukora imodoka zikundwa na rubanda “People’s car”, ubuyobozi bw’uru ruganda butangaza ko ariyo mpamvu bwifuje kuzana uru ruganda mu Rwanda.
Inkuru zijyanye na: Volkswagen
- Kuba u Rwanda rutajenjekera ruswa ni kimwe mu byatumye Volks Wagen yemera gukorana na rwo
- U Rwanda rwamuritse ku mugaragaro uruganda ruteranya imodoka
- Imodoka yabonye ari umwana, ibaye iya mbere ikorewe mu Rwanda ari Perezida
- Gutangira guteranya imodoka za VW mu Rwanda byigijweho inyuma ukwezi
- Siemens igiye gutera ikirenge mu cya Volkswagen ishora imari mu Rwanda
- Imodoka zikorewe mu Rwanda ziraba ziri ku isoko mu mwaka umwe
- 2017 izasiga hari imodoka za Volkswagen zateranyirijwe mu Rwanda
Ibitekerezo ( 3 )
Ohereza igitekerezo
|
|
Byiza cyane zamodoka zavaga hanze zifite umugesi zarakobotse amarange ndumva bigiye gukemuka hagurwe imihanda guhanga imishya tugure imodoka zikorewe murwanda ikindi ko mutashyizeho ibiciriro byazo murakoze
.none se ubwo izo modoka zizateranyirizwa mu Rda kubijyanye n, imisoro y, ibinyabiziga hazaba hari itandukaniro ringana gute dukurikije uzagura iyateranyirijwe mu Rwanda n, uwayitumiza hanze? Murakoze.
Nukuri se koko? Bibaye byo byaba byiza cyane kandi VW niyo modoka abanyarwanda batinya ibiciro byayo no spares zayo biheze cyane. Njye noneho nkibaza nti bizahenduka kuruhe rugero? Ese zizatangira kuboneka ryari.??