KT TV
Umuyobozi wa Gasabo yasabye ba Gitifu b’Imirenge kugeza abarwayi kwa muganga
Umuyobozi Nshingwabikorwa w’Akarere ka Gasabo, Umwali Pauline, yandikiye Abanyamabanga Nshingwabikorwa b’Imirenge igize aka Karere, abasaba gufasha abarwayi bafitanye gahunda na muganga kugerayo no kuvayo basubira mu ngo.
Uyu muyobozi avuga ko byagaragaye ko hari abarwayi badafite uburyo bwo kwigeza kwa muganga, bitewe n’uko ingendo z’imodoka na moto zahagaze muri iki gihe cyo kwirinda Coronavirus.
Iyi ni ibaruwa Umuyobozi w’Akarere ka Gasabo yandikiye Abanyamabanga Nshingwabikorwa b’imirenge ku wa Gatanu tariki 24 Mata 2020.
Umwali Pauline yashimangiye iby’iyi baruwa mu kiganiro yagiranye na Kigali Today, aho avuga ko ari gahunda yitekerereje ubwe nyuma yo kubona iki kibazo cyiganje mu barokotse Jenoside yakorewe Abatutsi batishoboye, ndetse n’abandi baturage bari mu miryango ikennye cyangwa bahagaritse imirimo kubera kwirinda Covid-19.
Yagize ati “Hari abantu bafite uburwayi bukomeye kandi baba barahanye gahunda na muganga ariko bakaba ari abakene, kandi urabizi ko nta moto cyangwa imodoka yabona atega kugira ngo imugeze kwa muganga, ntanafite uburyo bwamufasha gutega ‘taxi voiture”.
“Nyamara Abanyamabanga Nshingwabikorwa b’Imirenge bafite imodoka z’irondo, ziriya modoka zidufasha muri gahunda iyo ari yo yose, n’umuntu warwara agapfira mu rugo cyaba ari ikibazo cy’umutekano”.
Ati “Kuba Umuyobozi w’Umurenge yamenya ko hari umuntu urembeye mu rugo akamufasha kugera kwa muganga mu bitaro by’i Kigali muri ibi bihe, akaza no kumufasha gutaha, uwo ni umuturage we, ni ikintu cyumvikana.”
“Ushaka kumenyekanisha ikibazo (cy’uburwayi ufite) umukuru w’umudugudu yakuvugira, ariko tunafite telefone y’akarere ‘1520’ wahamagaraho ku buntu”.
Ku rundi ruhande, Umunyamabanga Nshingwabikorwa w’Umurenge wa Jabana, Rwamucyo Louis-de-Gonzague, avuga ko bari basanganywe iyi gahunda yo gufasha abaturage batishoboye kujya gushaka serivisi z’ibanze, harimo no kubajyana kwa muganga.
Yavuze ko mu rwego rwo korohereza abaturage bose bafitanye ‘rendez-vous’ na muganga, basabye inzego z’ubuzima kubaharira umunsi wa gatanu wa buri cyumweru.
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 1 )
Ohereza igitekerezo
|
|
Ibi biragaragaza ko uyu Muyobozi bamuhaye akazi nta experience afite. Bamaze gukuraho abari bafite ubunararibonye. Taxis voiture zirakora, Ambulances zirakora kandi MINISANTE niyo bireba kurusha Umuyobozi w’umurenge ubwe. Ahubwo iyo mushyiraho imodoka zizajya zijya gufata abo barwayi kuko hari imodoka za Leta nyinshi ziparitse kandi zidakora. Mugashyiraho na tel number wahamagaraho ufite iyo appointment ukaba udafite uburyo ugenda.Naho gitifu ntiyatwara abarwayi wenyine ngo abivemo.Twibukiranye ko hari inkunga yatwanzwe yo kurwanya covid 19 yakoreshwa kukigura fuel.Coordination yabyo muyirekere minisante mwe irabarenze.