Edwin Mbanda

Mu butumwa bwanyujijwe kuri konti ya Twitter ya GAFCON, Umuyobozi Mukuru w’uyu muryango, Foley Beach, ni we watangaje iby’urupfu rw’uyu musore, asaba abandi bashumba gufata mu mugongo umuryango wa Arikiyepisikopi w’Itorero Angilikani mu Rwanda, Musenyeri Laurent Mbanda.

Ati “Ntewe agahinda no kubasangiza amakuru y’akababaro y’uko umuhungu wa Musenyeri Laurent Mbanda yitabye Imana bitunguranye aho yabaga muri Leta Zunze Ubumwe za Amerika.

Edwin Mbanda apfuye afite imyaka 31 y’amavuko. Ntihatangajwe impamvu nyamukuru y’urupfu rwe, gusa bavuze ko bamusanze aryamye mu nzu aho yabaga yapfuye.”

Musenyeri Dr Laurent Mbanda

Edwin Mbanda apfuye mu gihe i Kigali hateraniye inama y’Umuryango w’Amatorero Angilikani mu Isi uharanira gukurikiza inyigisho za Bibiliya (Global Anglican for Future Conference - GAFCON), ikaba yaritabiriwe n’umubyeyi we Musenyeri Laurent Mbanda, akaba n’umwe mu bayobozi b’uyu muryango mpuzamahanga. Ni inama yatangiye ku wa Mbere tariki 17 Mata 2023 ikazamara iminsi itanu.

Inshuti za Musenyeri Mbanda zihanganishije umuryango we mu butumwa bumuhumuriza n’umufasha we ndetse n’abana babo.

Umuyobozi mukuru w’Umuryango GAFCON yagize uti “Iyi ni inkuru y’inshamugongo. Nifatanyije n’umuryango mugari wa GAFCON, twihanganishije Musenyeri Laurent Mbanda, Umugore we Chantal ndetse n’abana babo Eric na Erica. Twifatanye n’Umuryango wa Mbanda mu masengesho muri ibi bihe bitoroshye.”

Inkuru bijyanye:

Watuvuyemo ariko turacyari kumwe - Musenyeri Mbanda ku rupfu rw’umuhungu we

MENYA UMWANDITSI

Ernestine Musanabera

Umunyamakuru wa Kigali Today/KT Radio

@ musanatines

Reba inkuru zose nanditse ( 787 )