Umuhanzi Vava asize abana b’abahungu babiri umwe ufite imyaka 11 n’undi w’imyaka itanu.

Umuhanzi Vava yaherekejwe n’ingeri z’abantu batandukanye basanzwe baziranye nawe bavuga bimwe mu bigwi byamuranze birimo kuba yarakundaga kumvikana ku mbuga nkoranyambaga nk’umuntu wakundaga kuvuga ukuri ataguciye inyuma.

Umuhango wo kumusezeraho bwa nyuma wabereye mu rugo kwa musaza we ari naho abantu bamukundaga, inshuti ze ndetse n’abo mu muryango bamusezeyeho.
Umuhanzi Vava yatangiye kwitwa ’Dore Imbogo’ nyuma yo gusohora iyo ndirimbo yatumye ahita amenyekana mu bahanzi.

Yitabye Imana afite gahunda yo gukomeza guteza inganzo ye imbere ndetse mu minsi ishize yari afite gahunda yo gukomeza guhanga indirimbo zitandukanye.

Yavukiye mu Karere ka Nyamasheke, mu Murenge wa Kirimbi mu Akagari ka Muhororo. Avuka mu muryango w’abana batatu, akaba yari umuhererezi.

Umurambo we wavanywe mu Bitaro bya Karongi mu gitondo cyo kuri uyu wa Mbere tariki 29 Nyakanga 2024, werekezwa ku Irimbi.

Vava yitabye Imana nyuma yo gutakana umutwe n’igifu aho yagejejwe ku Bitaro byo ku Kibuye yanegekaye abaganga bagerageza kumufasha ariko biranga biba ibyubusa ahita yitaba Imana.