Umuyobozi mukuru w’agateganyo w’ikigo cy’igihugu cy’ubushakashatsi n’inyandiko kuri Jenoside yabaye mu Rwanda, Dr Deogene Bideri, niwe watorewe kuyobora iyi komite. Yatowe mu mpera z’icyumweru gishize mu nama mpuzamahanga ya kabiri yahuje ibihugu byo mu karere k’ibiyaga bigari i Zanzibar.

Nyuma yo gutorwa, Bideri, yavuze ko yishimiye ikizere agiriwe kuko ari igihe kiza ku Rwanda cyo gusangira n’amahanga ubunararibonye mu bijyanye no gukumira Jenoside. Bideri yagize ati: “u Rwanda rufite byinshi byo kwigisha amahanga ku bijyanye no gukumira Jenoside. ubu hari itegeko rihana ibyaha bya Jenoside kandi hashyizweho komisiyo y’ihiguhugu ishinzwe kuyirwanya (CNLG)”.

Yongeyeho ko gutora Umunyarwanda ku buyobozi bw’iyi komite bizongerera imbaraga inzego z’ubutabera mu karere, ndetse no koroshya ibijyanye no guta muri yombi abakekwaho Jenoside bakihishe mu bihugu bigize akarere.
Bideri yavuze ko ibihugu byose byemeranyijwe ko bigiye gushyiraho amategeko ahana ibyaha bya Jenoside ndetse n’ingengabitekerezo yayo.

Jean Noel Mugabo