Ubuyobozi bw’akarere buvuga ko amakosa yari yagaragajwe na Njyanama atariyo kuko byakozwe n’abakozi batabifitiye ubunararibonye; nk’uko bisobanurwa n’umuyobozi wungirije w’akarere ka Rubavu ushinzwe ubukungu, Buntu Ezechiel.

Taliki 11/01/2013 nibwo inama njyanama y’akarere ka Rubavu yagaragaje ikibazo cy’inyubako y’ikigo nderabuzima cya Nyakiriba, ivuga ko hasuwe n’amatsinda abiri kandi agafata imyanzuro itandukanye harimo iyo guhagarika rwiyemezamirimo, irindi tsinda rigasaba rwiyemezamirimo gukomeza kubaka.

Amwe mu makosa yavugwaga kuri iyi nyubako ni ukuba idafite fondasiyo kandi ngo irahari ahubwo abarebye ntibabisobanukiwemo, ikindi cyagaragajwe ni ukuzirika sharupande kandi ziraziritse cyakora ikosa ryakozwe ridatewe na rwiyemezamirimo ni imiryango mito kandi nayo byatewe n’abakozi b’akarere bamuhaye imibare idahuye.

Ubuyobozi bwasabye rwiyemezamirimo gukomeza imirimo, ikibazwa akaba ari uburyo imyanzuro ya njyanama izajya yubahirizwa igihe harimo ifatwa kandi idashingiye ku bunararibonye.

Sylidio Sebuharara