Dr Richard Sezibera niwe watorewe gusimbura nyakwigendera senateri Mucyo

Ni nyuma y’amatora yabereye mu turere umunani tugize Intara y’Amajyepfo, yabaye kuri uyu wa Kane tariki ya 1 Ukuboza 2016.

Ni amatora yari yitabiriwe n’abagize ibiro by’Inama Njyanama ku nzego z’Imirenge yose y’Intara y’Amajyepfo, n’abagize Njyanama z’uturere.

Aho abanyamakuru ba Kigali Today babashije kugera, Umukandida Senateri Richard Sezibera yazaga imbere, bikanagarira ku majwi y’agateganyo yakusanyijwe mu Turere twose mu Ntara y’Amajyepfo.

Amajwi yo ku rwego rw’Intara aragaragaza ko Richard Sezibera yarushije bagenzi be ku buryo bugaragara

Muri aya majwi Richard Sezibera aza imbere n’amajwi asaga 317 angana na 63.9% by’abatoye,mu gihe umukandida Muhimakazi Felicite aza ku mwanya wa gatanu n’amajwi hafi 19 ahwanye na 3.8% by’abatoye.

Nyuma yo gutunganya neza aya majwi araza gutangazwa ku mugaragaro n’Umuyobozi wa Komisiyo y’amatora , hagaragazwe uzahagararira Intara y’Amajyepfo muri Sena asimbuye Senateri Mucyo witabye Imana.

Mu turere dutandukanye yahigitse bagenzi be

yabarushaga ku buryo bugaragara

Mu Karere ka Huye bari gutora

MENYA UMWANDITSI

Ephrem Murindabigwi

Umunyamakuru wa Kigali Today/KT Radio

@ murieph

Reba inkuru zose nanditse ( 1042 )