Perezida Paul Kagame yakiriye umuyobozi nshingwabikorwa w’ikigo mpuzamahanga cy’ubucuruzi
Ku gicamunsi cyo kuri uyu wa kabiri tariki 9 Gicurasi, Perezida Paul Kagame yakiriye mu biro bye Pamela Coke-Hamilton Umuyobozi nshingwabikorwa w’ikigo mpuzamahanga cy’ubucuruzi hamwe n’itsinda ayoboye.
![](IMG/jpg/he_na_coke.jpg)
Ni ibiganiro byibanda ku bucuruzi, ishoramari hamwe n’uruhare rwa Afurika mu guhindura isura y’ubucuruzi mpuzamahanga, nk’uko bitangazwa n’urubuga rwa Twitter rw’ibiro by’umukuru w’igihugu.
Pamela Coke-Hamilton asanzwe ari inararibonye mu bijyanye n’amategeko n’ubucuruzi, akaba yaratangiye kuyobora ikigo cya International Trade Center(ITC) kuva mu mwaka wa 2020.
![](IMG/jpg/he_na_coke_2.jpg)
Ikigo mpuzamahanga cy’ubucuruzi, gishinzwe gufatanya n’ikigo cy’ubucuruzi ku isi hamwe n’inama y’umuryango w’abibumbye mu guteza imbere ubucuruzi ku isi.
Ni ikigo cyashinzwe mu 1964, icyicaro gikuru cyacyo kikaba giherereye I Geneve mu Busuwisi.
Ibitekerezo
Ohereza igitekerezo
|