Perezida Kagame yanifurije Moussa Faki Mahamat umunsi mwiza w’ababyeyi b’abagabo, dore ko isabukuru ye yahuriranye n’uyu munsi wo kuzirikana uruhare rw’abagabo mu iterambere ry’imiryango n’iry’abana babo by’umwihariko.

Moussa Faki Mahamat akomoka muri Chad ahitwa Biltine akaba yaravutse tariki 21 Kamena 1960. Kuri iki cyumweru yujuje imyaka 60 y’amavuko.

Ayobora Komisiyo y’Umuryango wa Afurika yunze Ubumwe (AUC) kuva tariki 14 Werurwe 2017. Mbere yaho yari Minisitiri w’Intebe wa Chad kuva muri 2003 kugera muri 2005, arongera aba Minisitiri w’Ububanyi n’Amahanga muri Chad kuva muri 2008 kugera muri 2017.

Moussa Faki Mahamat ni umwe mu nshuti za hafi z’u Rwanda. Mu bihe bishize yakunze kugaragara kenshi mu Rwanda yitabiriye inama n’indi minsi mikuru itandukanye.

This is to wish my friend @AUC_MoussaFaki ,all the best on his BIrth Day. A good coincidence that today is also a Father's Day. God Bless

— Paul Kagame (@PaulKagame) June 21, 2020