KT TV
Perezida Kagame yasobanuye uko indirimbo “Nda ndambara…” yamwongereye imbaraga
Perezida Paul Kagame yavuze ko nta cyamuteraga imbaraga mu kwiyamamaza nko kumva abaturage bamuririmbira indirimbo yamenyekanye nka “Nda ndambara yandera ubwoba”.
Perezida Kagame yamaze iminsi igera kuri 20 azenguruka igihugu mu bikorwa byo kwiyamamaza.
Muri iyo minsi yose abaturage bamwerekaga ko bamushyigikiye haba mu ndirimbo, mu mivugo kimwe no mu bindi bikorwa bakoraga bijyanye no kwiyamamaza.
Muri izo ndirimbo hari iyaje kwamamara yitwa “Nda ndambara nyandera ubwoba”, yaririmbiwe bwa mbere mu Karere ka Rubavu, iririmbwe n’umuturage wayihimbye ayikomeye kuri imwe mu ndirimbo zo guhimbaza Imana.
Muri iyo ndirimbo hari aho baririmba ngo “Nda Ndambara yantera ubwoba, iyarinze Kagame izandinda! Nta ndambara yandera ubwoba!” iyo ndirimbo yakunzwe kuko iririmbwe mu Kigoyi, ururimi ruvugwa mu duce tw’Uburengerazuba.
Nyuma y’iminsi mike indirimbo yaje kuba imwe mu ndirimbo zari zikunzwe ku buryo, uwayihimbye yatangiye gutumirwa aho kagame yabaga yagiye hose.
Nyuma y’uko ibikorwa byo kwiyamamaza birangiye, Kagame akegukana intsinzi, yatunguranye ubwo yemezaga ko iyo ndirimbo ari yo yamuteye amarangamutima ariko ikanamuha ingufu zo kumva ko ashyigikiwe kandi atewe ishema no kuyobora Abanyarwanda.
Yabitangaje ubwo yarahiriraga kuyobora u Rwanda mu yindi myaka irindwi, kuri uyu wa Gatanu tariki 18 Kanama 2017. Yagize ati “Hari indirimbo igaragaza ibyishimo byo gukorera hamwe iyo mwanyuze mu bibazo byinshi.
Ni indirimbo abaturage bandirimbiraga. Iyo ndirimbo ni iyo bahinduye bayikuye ku ndirimbo ihimbaza Imana ivuga ngo “Nta ntambara yantera ubwoba.”
Perezida Kagame yatanze urugero kuri iyo ndirimbo, ashaka kugaragaza ingufu zo guhuriza hamwe kuko bituma n’abafite intege nke bibongerera ingufu.
Ati “Iyo turwana dufite impamvu, nta gikwiye gutuma tugira ubwoba kuko Imana iba iri ku ruhande rwacu.”
Iyumvire inkomoko y’indrimbo "Nda ndambara yandera ubwoba"
Inkuru zijyanye na: Paul Kagame
- Ibihugu 12 bimaze kwemera gutanga umusanzu wabyo muri AU
- LONI ntigomba kurobanura abanyamuryango bayo - Perezida Kagame
- Perezida Kagame asanga umuryango mpuzamahanga nta somo ukura ku bibazo uteza Afurika
- Perezida Kagame yasobanuye uko guha abaturage icyizere byatanze umusaruro
- Perezida Kagame yaganiriye na Perezida Macron ku bibazo byugarije Afurika
Ibitekerezo ( 6 )
Ohereza igitekerezo
|
|
twese dufatanyije, nta ntambara yadutera ubwo
Ntantambara yadutera ubwoba dufite Paul kagame
ni ururimi rukoreshwa ibugoyi,ntabwo ari ikirera.bikosore rwose.
Nyakubahwa Perezida wacu PAaul KAGAME turizera tudashidikanya ko agiye kugaragaza ubudasa bw’u Rwanda mu ruhando rw’andi mahanga!!!!!!!!!!
Ntabwo iyo ndirimbo iri mu Kurera,ahubwo iri mu Kigoyi kivugwa n’abantu batuye ku Gisenyi.Ubundi bisobanura ngo "nta ntambara yantera ubwoba".Gusa nta muntu numwe utagira ubwoba bw’intambara.Ikindi kandi,imana yanga intambara hamwe n’abantu bose barwana.Bible ivuga ko ku munsi w’imperuka,imana izica abantu bose barwana (Matayo 26:52;Yesaya 34:2).Ibyaha bikorwa cyane ku isi kurusha ibindi,ni kujya mu ntambara,gusambana,kwiba,etc...
Ubu tuvugana,ibihugu byinshi birimo kurwana.Kubera ko intambara zica abantu benshi imana yaremye,ziba ziyobowe na Satani.
Kiriya kirimo iyo ndirimbo irimo ni IKIGOYI nabwo ari IKIRERA kuko hariya ni mu bugoyi si mu Murera.
Bikosore Please