Perezida Kagame yageze mu Budage, yitabiriye inama ku mutekano

Perezida Paul Kagame kuri uyu wa Gatandatu tariki 19 Gashyantare 2022, yageze i Munich mu Budage aho yitabiriye Inama yiga ku mutekano.

Perezida Kagame yakiriwe n
Perezida Kagame yakiriwe n’abayobozi batandukanye

Ibiro by’Umukuru w’Igihugu, Village Urugwiro, byatangaje ko Perezida Kagame akigera mu Budage kandi yagiranye ibiganiro n’Umuyobozi wungirije w’Umuryango Open Society, Alexander Soros, Minisitiri w’Ububanyi n’Amahanga wa Qatar, Sheikh Mohammed bin Abdulrahman Al-Thani, Jendayi Frazer n’abayobozi ba Ecolog International, sosiyete ikorera ibya ‘logistique’ mu bihugu binyuranye muri Afurika.

Iyo nama yitabiriwe na Perezida Kagame, ihurije hamwe abayobozi mu ngeri zitandukanye, Abakuru b’ibihugu na za Guverinoma barenga 30, Leta Zunze Ubumwe za Amerika n’abayobozi b’imiryango ikomeye nka Loni, NATO na EU.

Iyo nama ikaba ifungurwa ku mugaragaro n’Umunyamabanga mukuru wa Loni, António Guterres. Intumwa za Guverinoma y’u Budage ziyobowe na Chancellor Olaf Scholz.

Iyo nama ya Munich y’Amahoro ibaye ku nshuro ya 58, yatangiye ku itariki 18 Gashyantare 2022, ikazasozwa kuri iki Cyumweru tariki 20.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka