Iyi nzu yari ituwemo na Dukundane Leatitia yahiye biturutse ku mashanyarazi. Umwe mu babonye iyo nzu itangira gushya yavuze ko bumvise urusinga rw’umuriro rwo hanze y’iyo nzu ruturika ubundi bumva ibintu biranuka hashize akanya bumva ikintu kiraturitse.

Bagiye kureba ikibaye basanga inzu irimo gushya. Icyaturitse ngo ni television yari iri mu nzu yari ifashwe n’inkongi y’umuriro.

Bagiye guhamagara ny’iri inzu aho yari yagiye gukorera ngo aze akingure barebe ko hari icyo barokora ariko yahageze basanga inzu yose yarangije kuzura icyibatsi cy’umuriro. Abaturage, polisi y’igihugu n’abasirikare bamutabaye kazimya iyo nkongi y’umuriro. Iyi mpanuka y’umuriro ni iya gatatu ibaye muri iki cyumweru.

Ubuyobozi bwa police butangaza ko iyi mpanuka ishobora kuba itatewe n’umuriro w’amashanyarazi ngo kuko iyo aba ari wo byari gutuma n’izindi nzu byegeranye zishya.

Umuyobozi wa Police mu karere ka Ngoma yasabye abaturage kwirinda ikintu cyose cyateza impanuka y’umuriro badasiga imbabura mu mazu zaka, gusiga ibikoresho by’amashanyarazi bicometse n’ibindi.

Jean Claude Gakwaya