KT TV
Leta igiye gutangira gufasha abatishoboye guhera kuri uyu wa Gatandatu
Minisitiri w’Ubutegetsi bw’igihugu, Prof Shyaka Anastase, abicishije kuri Twitter, yatangaje ko Leta igiye gutangira gufasha abatishoboye ngo babone ibibatunga muri iki gihe batabasha gusohoka ngo bajye gukora kubera icyorezo cya COVID-19.
- Minisitiri Shyaka asaba abatanga imfashanyo gukora ku buryo amabwiriza yo kwirinda COVID-19 yubahirizwa
Yavuze ko iyo gahunda igiye guhita ishyirwa mu bikorwa guhera kuri uyu wa 28 Werurwe 2020, akaba abitangaje nyuma y’aho Perezida Kagame ku mugoroba wo ku wa 27 Werurwe 2020, agejeje ijambo ku Banyarwanda rirebana n’icyorezo cya Coronavirus n’ingaruka zacyo ku gihugu, ari bwo yavuze ko gufasha abatishoboye bigomba kwihutishwa.
Prof Shyaka yagarutse ku buryo icyo cyemezo kigiye gushyirwa mu bikorwa hanubahirizwa ingamba zo kwirinda icyo cyorezo.
Yagize ati “Haratangwa ibiribwa n’ibindi bikoresho by’ibanze, bitangwe na komite ziri ku mudugudu n’izo ku kagari, naho izo ku murenge zizunganire. Biratangwa urugo ku rundi bityo tunubahirize amabwiriza yo kwirinda Coronavirus”.
Avuga kandi ko hifashishwa na ba mutwarasibo, cyane ko baba bazi ingo z’abagenerwabikorwa, aho bikenewe bakunganirwa n’izindi nyangamugayo zituye aho.
Prof Shyaka yavuze kandi ko ubufasha bwa Leta isanzwe itanga ku batishoboye, urugero nka VUP, bukomeza gutangwa kandi bukihutishwa.
Ku baturage bashaka kugoboka abandi, Minisitiri Shyaka yavuze ko bagomba kubanza kubimenyesha ubuyobozi bw’inzego z’ibanze bubegereye kugira ngo hirindwe akajagari n’akavuyo, ngo za komite zavuzwe ni zo zigomba kugeza imfashanyo ku bo igenewe.
MENYA UMWANDITSI
Inkuru bijyanye
- #COVID19: Abantu miliyoni icumi muri Afurika bagiye gupimwa mu mezi atatu
- Rubavu: hashyizweho ibihano ku batubahiriza amabwiriza yo kwirinda COVID-19
- Nubwo abakiriya bataraboneka bihagije, twishimiye gusubira ku kazi – Abamotari
- #COVID19: Abantu 9 bakize, haboneka 13 bashya barwaye
- Uburemere bw’icyorezo i Rusizi bwatumye hasubizwaho gahunda yo kuguma mu rugo – Minisitiri Shyaka
- Umujyi wa Kamembe ushyizwe muri #GumaMuRugo
- Ubushomeri bwaberetse uburemere bwa COVID-19, bubasigira isomo ryo kuyirinda
- Ngarambe François yakoranye n’abandi bahanzi mu kwigisha ababyeyi kuganiriza abana
- Muhanga: Abagabo batega moto bari kwibagirwa udutambaro two mu mutwe
- Rubavu: Hari gukorwa urutonde rw’abajya i Goma banyuze mu nzira zitemewe
- Abanyonzi batunguwe no kutisanga mu bemerewe gusubukura imirimo
- Igisirikare cy’u Bushinwa cyahaye Ingabo z’u Rwanda ibikoresho byo kwifashisha mu kurwanya COVID-19
- #COVID19: Abarwayi bashya 13 babonetse mu bipimo 1,033
- Ingendo zasubukuwe: Hari abataherukaga mu ngo bishimiye gusubirayo
- Amafoto: Byifashe bite muri za Gare no ku maseta y’abamotari?
- Serivisi zitafunguwe si uko ba nyirazo tubanga - Prof. Shyaka
- Amafaranga aba yanduye cyane kandi ntiwayamesa, twirinde kuyahererekanya - Min. Shyaka
- Menya impamvu ingendo ziva n’izijya i Rubavu na Rusizi zahagaritswe
- Moto zemerewe gutwara abagenzi, uretse mu turere twa Rusizi na Rubavu
- Mu Rwanda umuntu wa kabiri yitabye Imana azize #COVID19
Ibitekerezo ( 1 )
Ohereza igitekerezo
|
|
Congs,kuri leta yacu ariko ubwo batangiye bavugako iyinkunga izagenerwa abatishoboye wasanga ihawe bamwe basanzwe bahabwa inkunga y’ingoboka kumwe nabandi bo mubyiciro bya 1&2,nukuri twaba tubirenganiyemop!uko mbyumva iyinkunga yabanguka kandi igahabwa abanyarwanda bose havuyemo abakozi ba leta bahembwa burikwezi kumwe n’abacuruzi bafite amastockariko abapadiri n’aba pastor nabo ntibazahabwe ku ko burya haruko bifashije murakoze.