Kigali: Impanuka ihitanye babiri, bane barakomereka
Kuri iki Cyumweru tariki ya 30 Ukwakira 2022 mu masaha ya saa kumi n’ebyiri z’umugoroba, ku muhanda uva ahazwi nko kwa Rwahama ugana ku Mushumba mwiza mu murenge wa Remera, mu Karere ka Gasabo, habereye impanuka y’imodoka yo mu bwoko bwa Fuso ifite pulaki ya RAE 539, babiri bahita bitaba Imana abandi bane barakomereka.
Umuvugizi wa Polisi ishami rishizwe umutekano wo mu muhanda, SSP René Irere,
avuga ko iyi mapanuka yatewe n’uko imodoka ya Fuso yabuze feri ikagonga
umumotari wari uhetse umugenzi, bombi bagahita bitaba Imana, umushoferi wa Fuso arakomeraka bikomeye, naho abo bari kumwe 3 bakomereka byoroheje.
SSP Irere ati “Imodoka ya Fuso yari itwawe n’uwitwa Rwabizi Gad w’imyaka 26,
yagonze mu rubavu imodoka yo mu bwoko bwa coaster RAB 623M yari
itwawe na Tuyisenge Théogène w’imyaka 37, irakomeza igonga moto TVS RB910
itwawe na Uwizeye Eliezer w’imyaka 41 wahise apfa, uhetse umuntu
utaramenyekana umwirondoro we na we wahise apfa. Hanakomeretse byoroheje
abagenzi bari muri Fuso aribo Ishimwe Nadine w’imyaka 25, Mulisa Moses
w’imyaka 32 na Munyaneza Samson w’imyaka 44”.
Imirambo y’abitabye Imana yajyanywe ku bitaro bya Kacyiru naho abakomeretse
bajyanwa ku bitaro bya Kanombe.
Ibitekerezo ( 10 )
Ohereza igitekerezo
|
Ngabonziza contrôle technique yamezi 3!!wowe ushatse wavuga ko bakwiye kuzica mumuhanda kuko ntayawe irimo niba ujya ukurikira banza urebe impanuka ziba kandi zica abantu urasanga izo uvuga alizo zikora impanuka nke mubinyabiziga byose nubwo nabo bake ali abacu dukeneye ko baticwa nimpanuka impanuka zo zizahoraho kuko iziterwa nabatwaye nabagenzi ziruta iziterwa nikinyabiziga ubwacyo naho umuti umwe ubaye contrôle tech,wasabako bazishyira muli moto amagare imodoka nto kuko nibyo byihariye 98% byimpanuka zica abantubenshi
Yooooo Uwizeye imana imwakire
PORISI NIKOMEZE GUKAZA UMUTEKANO
Ikibazo kizi mpanuka gikomeje guteza ibibazo bikomeye mugihugu kd turabura ubuzima bw’abantu buri munsi rwose turasaba Police y’u Rwanda ko bashyira speed governer mubiyabiziga bitwara imizigo.
Birababaje ...gusa usanga ibyo binyabiziga bifite controle technique .
Byaba byiza amakamyo agiye ahabwa controle y’amezi 3kandi controle yazo igashyirwamo ubuhanga no kutanjenjeka
Ooh!lmpanuka zirikwiyongera cyane natwe twabuze mukuru wacu 2020 nta nimpozamarira turabona Kandi imyaka igiye kuba3 abashoferi nibagerageze kujyana ikinyabiziga mumuhanda cyujuje ibisabwa tudakomeza kubura imbaraga zigihugu bantu banjye! Kandi nabuze ababo kubwiyompanuka bakomeze bihangane murakoze
Yooooo imana ibakire mubayo
Ohh nibihangane disi twese nitonzira abapfuye imana ibakire mubayo nabakomeretse barware ubukira Murakoze Mugire Ibihe Byiza
Impanuka zikomeje kwiyongera abantu turababura buri musi abatwara Ibinyabiziga nukureba kobyujuje ibisabwa mbere yuko bijya mumuhanda
Impanuka zikomeje kwiyongera abantu turababura buri musi abatwara Ibinyabiziga nukwirinda umuvuduko ukabije kdi bakajya basuzuma neza Ibinyabiziga byabo kobyujuje ibisabwa