KT TV
Isengesho no kwizihiza umunsi mukuru wa Eidil Fitri byakozwe mu buryo budasanzwe
Kuri iki Cyumweru tariki 24 Gicurasi 2020, Umuyobozi w’Idini ya Islam mu Rwanda (Mufti) Sheikh Hitimana Salim yayoboye isengesho rya Eidil Fitri 2020. Isengesho no kwizihiza umunsi mukuru byakozwe mu buryo budasanzwe, haba mu Rwanda no mu bihugu byinshi ku Isi kubera impamvu zo kwirinda gukwirakwiza icyorezo cya Coronavirus cyugarije Isi.
Isengesho ku rwego rw’igihugu ryayobowe na Mufti w’u Rwanda Sheikh Hitimana Salim kuri Radio na Television by’igihugu, Abayislamu bakaba basabwaga gukorera isengesho mu ngo zabo maze bagakurikira ubutumwa nyamukuru bw’umunsi bagezwagaho na Mufti w’u Rwanda.
Ubutumwa bw’umunsi bwibanze ku kwimakaza imibanire myiza hagati y’Abayislamu ubwabo ndetse no ku batuye Isi muri rusange, Mufti w’u Rwanda akaba yaboneyeho no kwibutsa Abayislamu gukomeza kubahiriza ingamba zashyizweho na Leta y’u Rwanda mu rwego rwo kwirinda gukwirakwiza icyorezo cya Coronavirus.
Mufti kandi yashimangiye ko umuyislamu mwiza ari we munyarwanda mwiza u Rwanda rwifuza kuko inyigisho z’idini ya Islam zuje indangagaciro ikiremwa muntu kizahora gikeneye kugira ngo kigire ubuzima bwiza.
Mufti yatanze urugero ku mvugo y’Intumwa y’Imana Muhamad (Imana imuhe amahoro n’imigisha) aho yavuze iti: “Ubwo muzabona umudugudu runaka wagezwemo n’icyorezo muramenye ntimuzahegere kugeza igihe icyo cyorezo kizarangirira.”
Ibyo bikaba ari igisubizo kuri uyu munsi aho abatuye Isi basabwa kwirinda icyorezo cya Coronavirus. Mufti akaba yaboneyeho n’umwanya wo gusabira abatuye Isi, asabira u Rwanda n’Abanyarwanda ubuzima buzira umuze by’umwihariko ubuyobozi bw’igihugu burangajwe imbere na Perezida Paul Kagame udahwema guharanira imibereho myiza y’Abanyarwanda n’icyabateza imbere.
Ku mbuga nkoranyambaga na ho hakomeje kwandikwa ubutumwa bwifuriza Abayislamu umunsi mwiza wa Eidil Fitri. Muri bwo harimo ubw’Umuyobozi w’Inteko Ishinga Amategeko Umutwe wa Senat Hon. Dr. IYAMUREMYE Augustin, mu izina rya Sena y’u Rwanda akaba yifurije Abayislamu bo mu Rwanda umunsi mwiza wa Eidil Fitri, abifuriza amahoro n’ibyiza byose mu gihe bishimira umunsi mukuru kandi bitwararika.
The President of the Senate @Iyamuremye_A and the Senate of #Rwanda wish “Eid Mubarak” to all Rwandan Muslims. Wishing peace and everything good to all who are celebrating while staying safe.#EidMubarak pic.twitter.com/udvODQMLRH
— Senate of Rwanda (@SenateofRwanda) May 24, 2020
Ni inkuru ya Islamrwanda.org
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 2 )
Ohereza igitekerezo
|
|
Turashima Allah we wadushoboje Gusoza ukwezi Gutagatifu kwa Ramadzan mu mahoro n’ubwo isi yose Yugarijwe n’indwara y’icyorezo cya Covid19 iterwa na Coronavirus ariko muri rusange twagize igisibo Cyiza ndetse Twarushijeho gutinya Imana,kubana neza n’abandi Bose, Guha agaciro umuntu utishoboye ndetse no gufashanya nibyo byaturanze muri uku kwezi.
IGISIBO sicyo gihindura umuntu mwiza.Nta kintu na kimwe kimarira abagikora.Ni umuhango gusa.Muli Matayo 9:14,babajije Yesu bati:Kuki abigishwa bawe badakora igisibo?Yabashubije ko ibyo byari imihango y’Abafarisayo ya kera.Avuga ko "nta wutera ikiremo gishya ku mwenda ushaje".Yaberekaga ko yakuyeho Imihango ya kera y’Abafarisayo.Soma Matayo 9:14-16.Ntabwo abigishwa ba Yezu bakoraga igisibo nkuko bible ivuga.Umukristu nyakuri arangwa n’urukundo nyakuri.Ntabwo arangwa n’Imihango y’Abafarisayo ya kera.Akirinda kwiba,kubeshya,ruswa,kujya mu ntambara z’isi na politike.Kubera ko bituma ukora ibyo Imana itubuza.Murebe intambara,ubusambanyi,etc...byuzuye mu isi.Mu bantu babikora,harimo millions nyinshi z’abakora Igisibo!!!Ndetse n’abarwana mu ntambara hirya no hino,nabo bakora Igisibo!!!