KT TV
Ignatienne Nyirarukundo na Assumpta Ingabire bahinduriwe inshingano
Perezida wa Repubulika y’u Rwanda, Paul Kagame, yahinduriye bamwe mu bayobozi inshingano, ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116.
Mu mpinduka zabaye, Assumpta Ingabire yagizwe Umunyamabanga wa Leta muri Minisiteri y’Ubutegetsi bw’Igihugu (MINALOC) ushinzwe Imibereho myiza y’Abaturage.
Ingabire Assumpta yasimbuye Ignatienne Nyirarukundo wagizwe Umujyanama Mukuru ushinzwe gahunda z’imibereho myiza y’abaturage mu biro bya Minisitiri w’Intebe.
Izi mpinduka zimenyekanye ku mugoroba wo kuri uyu wa Gatatu tariki 27 Ukwakira 2021, mu itangazo ryashyizwe ahagaragara n’ibiro bya Minisitiri w’Intebe, Dr. Edouard Ngirente.
Mu kwezi k’Ugushyingo 2019 nibwo Ignatienne Nyirarukundo yari yagizwe Umunyamabanga wa Leta muri Minisiteri y’Ubutegetsi bw’Igihugu ushinzwe Imibereho myiza y’abaturage.
Icyo gihe kandi Assumpta Ingabire umusimbuye we yari yagizwe Umunyamabanga Uhoraho muri Minisiteri y’Uburinganire n’iterambere ry’Umuryango.
Ibitekerezo
Ohereza igitekerezo
|
|
