KT TV
Gatsibo: Imiryango 47 niyo yagizweho ingaruka n’ibiza
Imiryango 47 niyo imaze kubarurwa yagizweho ingaruka n’ibiza by’imvura ivanze n’umuyaga mu Murenge wa Nyagihanga Akagari ka Nyagatabire, ahasambutse amazu ndetse n’imirima y’intoki.
Amazu menshi yavuyeho ibisenge
Ibi byabaye ku mugoroba wo kuwa Kane tariki ya 15 Kanama 2024, ubwo imvura ivanze n’umuyaga yagwaga mu Kagari ka Nyagatabire amazu menshi akaba yavuyeho ibisenge ndetse n’intoki ziragwa.
Kugeza ubu ibarura rimaze gukorwa ryagaragaje ko amabati 547 yamaze kwangirika. Inkuru ya RBA ivuga ko ubuso bw’imyaka yangiritse bwo bukibarurwa.
Intoki zaguye kubera umuyaga mwinshi
Kigali Today ntirabasha kubona ubuyobozi kugira ngo bugire icyo butangaza kuri aya makuru ndetse n’icyo abaturage amazu yabo yavuyeho ibisenge bafashwa.
Iyi nkuru turacyayibakurikiranira...
Ibitekerezo
Ohereza igitekerezo
|
|
