Abo bapolisi bagizwe n’abagabo 405 hamwe n’abagore 96, bakaba basoje icyiciro cya 12 kuva amahugurwa yo kuri urwo rwego, yatangizwa muri Polisi y’u Rwanda.

Bahawe amahugurwa atandukanye agizwe n’imyitozo ngororamubiri ibakomeza kandi igatuma barushaho kugira ubuzima bwiza, kurasa ndetse n’andi mahugurwa abafasha mu gihe bisanze bari mu rugamba cyangwa ahantu runaka, bagomba kurinda Igihugu.

Icyiciro cya kabiri cy’amahugurwa cyari kigizwe n’inyigisho za gipolisi no kuyobora, kubera ko aba Ofisiye bato barangije amahugurwa ya kadete (Cadette) ari bo bavamo abayobozi ku rwego rw’ibanze rw’aba Ofisiye, bayobora abapolisi kuri za sitasiyo za polisi hamwe n’amahugurwa kuri gahunda za Leta.

Umuhango wo gutanga iryo ipeti ukaba ugiye kubera mu Kigo cya Polisi cya Gishari, bikaba biteganyijwe ko umushitsi Mukuru ari Minisitiri w’Umutekano w’imbere mu Gihugu, Gasana Alfred, uri bube ahagarariye Perezida wa Repubulika muri uwo muhango.