Mu joro rishyira taliki 28 Nzeli nibwo inzego z’umutekano zataye muri yombi Abanyekongo bitwikiriye ijoro baroba mu gice cy’u Rwanda mu murenge wa Mushonyi, akarere ka Rutsiro bakoresha imitego yitwa Kaningiri itemewe gukoreshwa mu Rwanda.

Abo Banyekongo bavuga ko batazi uko bageze mu mazi y’u Rwanda kuko bari bazi ko bari mu gihugu cyabo ariko umuyaga ngo niwo ushobora kuba warabagejeje mu mazi y’u Rwanda.

Hashize amezi abiri uburobyi bw’amafi n’isambaza buhagaze mu kiyaga cya Kivu, Abanyekongo bafashwe bakurikiye isambaza nyinshi ziri mu mazi y’u Rwanda.

Bashobora guhanwa hagendewe kubyaha bakoze birimo kuvogera igihugu, gukora uburobyi batabifitiye uburenganzira hamwe no gukoresha imitego itemewe uretse ko yahise itwikwa.

Sylidio Sebuharara