Abagabo bagira ipfunwe ry’ihohoterwa bakorerwa bashyiriweho uburyo barivuga mu ibanga

Umunyamabanga uhoraho muri Minisiteri y’Uburinganire n’Iterambere ry’Umuryango (MIGEPROF), Batamuliza Mireille, asaba abagabo batinya kuvuga ihohoterwa bakorerwa kugana Isange One Stop Center kuko bakirwa mu ibanga.

Hakozwe ubukangurambaga bwo kurwanya ihohoterwa
Hakozwe ubukangurambaga bwo kurwanya ihohoterwa

Yabitangaje tariki ya 25 Ugushyingo 2021, ubwo hatangizwaga ubukangurambaga bw’iminsi 16 ku kurwanya ihohoterwa rishingiye ku gitsina.

Ni ubukangurambaga bwatangirijwe ku rwego rw’Igihugu mu Karere ka Gatsibo aho imiryango 19 yabanaga mu buryo butemewe n’amategeko yasezeranye imbere y’amategeko.

Batamuliza Mireille avuga ko kugera mu Ugushyingo 2021, abahohotewe ari 12,800 ariko abenshi ari abana basambanyijwe, hagakurikiraho gukubita no gukomeretsa byakorewe mu ngo no gucunga nabi umutungo w’abashakanye.

Avuga ko icyo bifuza ko cyashyirwamo imbaraga ari ugukumira ihohoterwa rikorerwa mu ngo ariko buri wese akabigiramo uruhare.

Ati "Ntabwo wakwicara ngo ndakubita umugore ngo ni yo izaza kubimbuza. N’abagabo murabizi ko bakubitwa, rero ntiwakwicara uvuge ngo ndamwirukanye ndamumenesha, ngo uvuge ngo umuyobozi w’inzego z’ibanze ni we uzaza gukemura icyo kibazo."

Uruhare rwa buri wese yaba uwakoze icyaha n’uwagikorewe ngo ni ngombwa mu gutanga amakuru kugira ngo uwakoze icyaha ahanwe hakurikijwe amategeko, dore ko ihohoterwa rigira ingaruka ku warikorewe, umuryango ndetse n’Igihugu.

Ni byo Batamuliza yasobanuye ati "Ni ukuvuga ngo yaba umugore cyangwa umugabo bose bashobora guhohoterwa. Imyumvire ko nta mugabo uhohoterwa igomba guhinduka n’urwego agezeho arusaba ubufasha bakumva ko agomba gufashwa kuko ntaba aje gutaka atababaye.”

kigalitoday android app mobile

Ibitekerezo   ( 4 )

Mubanze mubambure ubugabo

mukota yanditse ku itariki ya: 28-11-2021  →  Musubize

Uyu mu Minisitiri ni uwo gushimirwa. Binashyirwe kuri Radio na ttv.Koko hari abadamu bumvise uburinganire nabi maze bazengereza abagabo. Hari rero abagabo bagiraga ipfunwe ryo kubivuga kubera isoni cyangwa ko umugore amukangisha abahabara be. Bagabo rero nimutinyuke Leta yamenye akababaro kanyu kandi ikitayeho.

Kato Richard yanditse ku itariki ya: 28-11-2021  →  Musubize

Ni byiza rwose!!Abagabo nibisobanukirwe kandi bareke Kugura ipfunwe batange amakuru maze bafashwe uko bikwiye.
Murakoze muyobozi

Claudette yanditse ku itariki ya: 27-11-2021  →  Musubize

Ni byiza rwose!!Abagabo nibisobanukirwe kandi bareke Kugura ipfunwe batange amakuru maze bafashwe uko bikwiye.
Murakoze muyobozi

Claudette yanditse ku itariki ya: 27-11-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka