Shyerezo Nolbert umuyobozi mushya w’urubyiruko mu bihugu bigize umuryango w’ubukungu mu bihugu bigize ibiyaga bigari (CEPGL), yabitangaje ubwo yamaraga gutorwa tariki 17 Nzeri 2015.

urubyiruko rwa CEPGL n’abayobozi bitabiriye Forumu yabereye mu karere ka Rubavu.

Yagaragaje ko ikibazo cy’amasaha make imipaka ifungura bibangamira urubyiruko mu buhahirane no kwihangira umurimo mu bikorwa byo kubaka amahoro.

Ihuriro ryitabiriwe n’urubyiruko ruvuye mu bihugu by’u Burundi, Rwanda na Repubulika iharanira Demokarasi ya Congo.

Mu minsi itatu baganiriye ku buryo bakubaka amahoro mu bihugu bavukamo n’akarere, guhangana n’ikibazo cy’ubukene mu rubyiruko no guhanga umurimo bashingiye ku mahirwe bafite.

urubyiruko rwitabiriye forumu ya CEPGL bashaka kubaka amahoro mu karere.

Urubyiruko rukaba rwaragaragaje ko rwifuza gufashwa kurwanya ubukene bubarimo bafashwa guhanga imirimo, gufashwa kugira amahoro mu bihugu barimo no guhabwa icyerekezo kirambye mu itarambere.

Shyerezo avuga ko imipaka ihuza ibihugu bigize umuryango wa CEPGL, ikora neza urubyiruko rushobora guhahirana no gufashanya mu kwiyubaka bakagira iterambere bageraho no kugira icyerekezo kimwe mu guteza imbere akarere.

Uru rubyiruko rwifuza ko gukora mu myaka itanu kuva 2015 kugera 2020, harimo kugira ibikorwa bibahuriza hamwe birwanya ubukene, ubujiji, imitwe yitwaza intwaro n’amacakubiri akunze kugirwamo n’urubyiruko mu bihe by’amatora.

abayobozi biyemeje gufasha urubyiruko kugera kubyo bifuza mu kwiteza imbere.

Guteza imbere ibikorwa by’uburezi, bibungabunga ibidukikije no guhanga imirimo.

Umunyamabanga nshingwabikorwa wa CEPGL, Tuyaga Herman ahamagarira urubyiruko kugira ibyiyumvire mu gushaka ibisubizo by’ibihugu bavukamo.

Ati “Nibyiza gutekereza ejo hazaza hanyu n’akarere, kuko abayobora ubu babitangiye mu myaka nkiyo mufite.”

Minisitiri w’urubyiruko mu Rwanda Jean Philbert Nsengimana, akaba avuga ko urubyiruko rufite amahirwe y’abayobozi babitaho.

“Mu Rwanda dufata urubyiruko nk’imbaraga z’igihugu kandi aho bashaka kuganisha igihugu niho cyajya, nibakoresheje amahirwe bafite yo kugira ubuyobozi bubitaho, bategenye ejo hazaza heza.”

Ku kibazo cy’ imipaka yakoraga amasaha 24 nkukobyari byakozwe na CEPGL bikaza guhagarikwa na Kongo, Minisitiri wa RDC Sama Lukonde asubiza ko ubuyobozi bwa Kongo buri kubisuzuma kuburyo yakongera igafungurwa.

Sylidio Sebuharara