Iki gikorwa cyatangiriye ku muhanda utangirira kuri Hoteli Serena ukanyura imbere y’Ibiro by’Umujyi wa Kigali ukagera ku nyubako izwi nka“Centenary House”.

Umuhanda bahereyeho mu gusana imihanda yo mu Mujyi wa Kigali wangiritse.

Uyu muhanda ufite uburebure bwa kilometer imwe na metero ijana (1,1km), urimo gusanwa na sosiyeti nyarwanda y’ubwubatsi yitwa NPD-COTRACO.

Biteganijwe ko ibikorwa byo kuwusana bizarangira mu gihe cy’amezi abiri bikazatwara amafaranga y’u Rwanda abarirwa muri milyari imwe n’igice.

Ubuyobozi bw’Umujyi wa Kigali buvuga ko hari imihanda myinshi ikeneye gusanwa, ariko bahisemo gutangirira ku muhanda unyura imbere ya Hoteli Serena na Hoteli Marriott n’izindi nyubako.

Ruben Ahimbishibwe, Umukozi w’Umujyi wa Kigali ushinzwe Ibikorwa Remezo, agira ati “Ibikorwa byose bigira aho bitangirira, twahisemo guhera kuri uyu muhanda unyura imbere ya Hoteli Serena nk’imwe mu mahoteli yakira inama mpuzamahanga nyinshi mu rwego rwo kugaragaza isura nziza y’Umujyi wa Kigali no kongera isuku yawo.”

Ruben yongeraho ko uko ubushobozi buzagenda buboneka ari na ko bazakomeza gusana n’indi imihinda yo mu Mujyi wa Kigali. Aha yavuze ko indi mihanda y’ahitwa muri “Quartier Commercial” na yo izahita isanwa uko ingengo y’imari izagenda iboneka.

Umuhanda urimo gusanwa.

Yakomeje avuga nyuma yo gusana umuhanda unyura imbere ya Serena Hotel bazakomeza basana n’indi mihanda uko ubushobozi buzagenda buboneka. Iyi mihanda irimo gusanwa hakoreshejwe amafaranga ava mu isanduku ya Leta.

Abakoresha umuhanda unyura imbere ya Hoteli Serena na bo bishimiye isanwa ryawo,nk’uko TwamuhoranyeValensi, utwara abagenzi kuri moto yabi dutangarije.

Yagize ati “ Iyi mihanda using abarayubatse basondeka ikagenda icikamo ibinogo, iyo rero bayisannye nk’uku biradufasha”.

Mu mafoto igice kigiye gusanirwa umuhanda

Uwingabire Médiatrice