Byagaragaye ko hari inyubako nk’iz’utugari zidafite amabendera kandi hatangirwa serivisi za Leta, kuburyo uhageze utahita wibwira ko ari ku biro by’abayobozi nk’uko ahandi hagaragazwa cyane n’ibendera ry’igihugu.

Uretse kutagira amabendera kuri bamwe, hari n’aho badafite ibyapa birangira ababagana aho bakorera kuburyo utahazi wayoba nabyo bikaba byarasabwe gushyirwaho byihuse, kimwe no kugaragaza gahunda z’akazi ka buri munsi ku babagana.

Abadafite amabendera basabwe kuyashaka byihuse.

Gushyiraho ibyapa biyobora abantu bikanagaragaza serivise zihatangirwa ngo bimwe mu bigaragaza gukorera mu mucyo no kubaha igihugu n’abagana abo bayobozi; nk’uko bitangazwa na Mazimpaka Emmanuel, Umuyobozi w’akarere wungirije ushinzwe ubukungu.

Nubwo batifuje ko twavuga amazina yabo, hari bamwe mu banyamabanga nshingwabikorwa b’utugari bakorera ahantu h’icyaro cyangwa mu misozi bavuga ko batihutira kuhashyira amabendera kubera gutinya ko yibwa nkuko bijya bigenda hamwe na hamwe maze bagahitamo kubireka ngo batazagira icyo kibazo.

Ernest Kalinganire