Umwe mu baturage bakoresha mudasobwa witwa Musoni Stiven, mu gutanga serivisi mu mujyi wa Byumba, yatangaje ko ubu batari gukora akazi nk’uko bari basanzwe bakora bikaba biri kubashyira mu gihombo.

Agira ati “Biratubangamiye rwose nibarebe uko babigenza tubone umuriro kuko udahari ntacyo twabasha gukora.”

Abacuruzi bavuga ko hari bimwe mu bicuruzwa nk’amata byangiritse kubera kutabikwa mu byuma bikonjesha (Frigo), nk’uko bitangazwa n’uwitwa Mukansanga Emertha nawe acururiza muri uyu mujyi uvuga ko kubera kudashyira ibicuruzwa bye muri firigo ngo byatangiye kwangirika.

Ubuyobozi w’ishami rishinzwe gukwirakwiza amashanyarazi mu karere ka Gicumbi bwatangaje ko iki kibazo cy’ibura ry’amashyanyarazi kitari muri aka karere ka Gicumbi gusa kuko ngo ni ikibazo kiri rusanjye mu gihugu hose.

Avuga ko cyatewe n’ibikorwa byo kongera ingufu z’amashanyarazi biri gukorwa ku rugomero rwa Mukungwa. Yizeza abaturage ko ibikorwa biri gukorwa bishobora kurara birangiye bityo abatuye aka karere bakongera kubona amashanyarazi.

Ernestine Musanabera