Uyu mugabo w’imyaka 28 yishe umugore we Dusabimana vestine w’imyaka 32 kuri iki cyumweru tariki ya 27 ukuboza 2015 aho na we ngo yiyemereraga icyaha cyo kumwica amuziza kumuca inyuma.

Ahatukura niho habereye ubwicanyi

Nyuma y’uko kuwa 28 Ukuboza 2015 ashyikirijwe Polisi ikorera mu Murenge wa Rusebeya uyu munsi ku wa kabiri tariki ya 29 ahagana mu masaha ya sa munani nibwo bamusanze aho yarafungiwe yiyahuje umugozi.

Bisangwabagabo Sylvestre Umunyamabanga Nshingwabikorwa w’uyu Murenge yemeje aya makuru aho yagize ati" Uwo mugabo yiyahuye bikaba bije nyuma yo kwiyicira umugore we bashakanye aho na we yabyiyemereraga none uyu wa kabiri nawe Polisi yamusanze aho yari afungiye yiyahuje umushumi w’ ijaketi yari yambaye"

Bisangwabagabo yakomeje abwira Kigali Today ko muri uyu Murenge hakunze kuba amakimbirane mu bashakanye ahanini ngo akaba ashingira ku bushoreke n’ubuharike aho ngo usanga basa n’ababigize umuco.

Umurambo w’uyu Ntahorwagiye biteganyijwe ko ujyanwa ku bitaro bya Murunda kugira ngo abaganga bemeze neza icyamwishe.