Rutsiro Leadership cup, ni irushanwa ry’imikino rihuza amakipe mu mikino itandukanye mu rweo rwo guhuriza hamwe abaturage bagashishikarizwa kwimakaza imiyoborere myiza na gahunda za leta. Iry’uyu mwaka, hakinwe imikino 3 ariyo Volley ball, Basket ball ndetse n’umupira w’amaguru, hakinwa mu byiciro bitatu abahungu,abakobwa ndetse n’abakuze(Veterans).

Ikipe y’umupira w’amaguru mu bakuze ikinamo umuyobozi w’akarere yageze ku mukino wa Nyuma ariko ntiyabasha kwegukana igikombe

Umuyobozi w’aka karere Gaspard Byukusenge, mu gusoza iri rushanwa tariki ya 19 Nzeli 2015, yavuze ko uretse kuba bahura bagakina bakishima ngo binabafasha cyane mu kwibutsa abaturage gahunda za Leta.

Abari n’abategarugori nabo bitabiriye iri rishanwa

Yagize ati” ‘‘Uretse gukina tukishima Biranashimisha kandi bidufasha cyane nk’ubuyobozi iyo dusabana n’abaturage tukaboneraho n’umwanya wo gutambutsa ubutumwa bujyanye na gahunda za Leta zitangirwa kandi bukumvika vuba’’.”

Tony Nsanganira, umunyamabanga wa Leta muri Minisiteri y’Ubuhinzi n’Ubworozi (Minagri), akaba n’imboni ya Guverinoma mu Karere ka Rutsiro. yasabye abaturage ko bajya bakina ariko bakumva n’ibivugirwa muri iyo mikino.

Tony Nsanganira umunyamabanga wa Leta muri minisiteri y’ubuhinzi n’ubworozi yari yaje kwifatanya n’abataurage ba Rutsiro mu mikino yanyuma

Ati “Baturage mwitabiriye isozwa ry’iyi mikino ndabashimira kuba mwaje kandi nkashimira bakinnyi bitabiriye iyi mikino ariko ndibutsa cyane ko mwajya mushyira ku mutima ubutumwa butangirwa muri iyi mikino nk’uko ubuyobozi buba bwarabyifuje.”

Abafana baba baje ari benshi kwihera ijisho imikino

Ayo marushanwa yatewe inkunga n’Umuryango Mpuzamahanga wa World Vision mu Intara y’Iburengerazuba .

Insanganyamatsiko y’uyu mwaka yari ugukangurira ababyeyi kubahiriza uburenganzira bw’abana babyara.

Hatanzwe ibikombe n’ibindi bikoresho bifite agaciro ka Miliyoni 6 z’amanyarwanda

Dore uko amakipe yatsindanye mu mikino yayuma:

Basketball abahungu

Gihango 33-Kivumu 18

Baskett ball Abakobwa

Gihango 18-Ruhango 17

Volley ball Abakobwa

Kivumu 2-Gihango 0

Volleyball abakuze(Veterans)

Gihango 2-Mushonyi 1

Volley ball Abahungu

Mushubati -Ruhango

Mushubati yatewe “forfeit” kubera gukinisha abakinnyi batemewe gukina amarushanwa kubera ko bamwe muri bo babatiriye mu yandi makipe batabyemerewe.

Football y’Abakobwa

Gihango 4-Kivumu 5

Football Abakuze(Veterans)

Gihango 3-Boneza 4(Penaliti), umukino wari warangiye banganije igitego kimwe.

Football Abasore

Kivumu 0-Murunda 1

Mbarushimana Cisse Aimable.