Hitimana avuga ko mu matora ya Perezida ari bwo yamubonye akamukunda cyane ariko ngo bikaza kuba akarusho ubwo yagezaga gahunda ya “Gira inka” iwabo, akazana VUP, akazana bajyanama b’ububuzima bakivuriza hafi.

Uyu mwana ababyeyi be bamwitiriye umukuru w’igihugu bamufiteho umugambi wo kumukurikirana ngo azatere ikirenge mu cye.

Ibi byatumye yumva ko igihe cyose azabyara umwana w’umuhungu, azamwitirira amazina y’umukuru w’igihugu. Niko byaje kugenda ubwo yabyaraga umwana w’umuhungu ku nshuro ya Gatatu agahita amwita Paul Kagame.

Ibi byakiriwe neza n’umugore Mukeshimana Beatrice bamubyaranye, kuko nawe ngo akanda umukuru w’igihugu cyane. Ati “numvise umugabo wanjye amwise Paul Kagame, biranshimisha kuko nanjye Perezida wacu Paul Kagame ndamukunda cyane”.

Gusa ngo ku ruhande rw’abaturanyi b’uyu muryango ntibakiriye neza, aya mazina bise umwana wabo, kuko ngo bumvaga ibyo baoze bitabaho nk’uko bitangazwa na Hitimana.

Hitimana n’umugore we bashimishwa n’uko umwana wabo yitiranwa n’uwo bakunda.

Hitimana avuga ko akimara kwita umwana we Paul Kagame, hari abaturanyi bagiye bamucyaha, bamubwira ko ibyo akoze bitabaho. Icyakora ngo yaje kunganirwa n’umukuru w’umudugudu wa Muhororo Nkwakuzi Jean Claude, amubwira ko batamutera ubwoba, niba yarabikoze abikuye ku mutima koko.

Ati “umukuru w’umudugude amaze kumbwira atya, nahisa mbwira ababimbwiraga ko nta cyambuza kwita aya mazina umwana wanjye kuko ari ibintu bitanunguye nabitekereje cyara.

Uyu mugabo ukora akazi k’ubuhinzi no kudoda inkweto, yemeza ko umwana we ubu umaze kugira umwaka umwe w’amavuko, azaharanira ko nawe yatera imbere akagera ikirenge mu cy’uwo yamwitiriye amazina, nawe kazaba umuntu w’ingirakamaro.

Eric Muvara