Umukuru w’Igihugu, yavuze ko azafata ikindi gihe gihagije cyo kugira icyo yamenyesha abantu, kirenze kwakira indahiro z’abayobozi. Yashimye imikoranire myiza n’abaturage iri gutuma igihugu gitera imbere, ariko asaba kuyongera mu rwego rwo gukemura ibibazo bamwe mu baturage bahura nabyo.

Umukuru w’igihugu yafashe ifoto y’urwibutso n’abarahiye ndete n’abakuru b’Inteko ishinga amategeko.

Yagize ati: “Ibibazo bihoraho, ariko n’ibisubizo bigahoraho; icya ngombwa ni ukugira abaturage n’abayobozi bo kubaba hafi, bakabafasha guhangana n’ibyo bibazo, byaba ibibaye ku muntu biturutse imbere mu gihugu cyangwa biturutse hanze.”

Minisitiri Mushya w’Ubutabera, Johnson Businjye atanga indahiro ye.

Gusa ngo nta n’ibibazo bihari cyane, nk’uko Umukuru w’igihugu yamenyesheje ko umwaka ushize wa 2012 ariwo wagaragayemo ingorane nyinshi kuruta uwa 2013. Ariko ngo uko imyaka ikurikirana izana ingorane zayo, niko no kongera imbaraga zo guhangana nazo bizakomeza kubaho.

Minsitiri musya mu ushinzwe ibyemezo by’inama y’Abaminisitiri, Ford Mugabo, arahira.

Perezida Kagame yakiriye indahiro z’abayobozi batatu, aribo Ministiri w’ubutabera akaba n’intumwa nkuru ya Leta, Johnson Businjye, Ministiri ushinzwe imirimo y’Inama y’Abaministiri, Stella Ford Mugabo, hamwe n’Umuvunyi mukuru wungirije, Clement Musangabatware.

Umuvunyi mukuru wungirije, Clement Musangabatware, arahira.

Ministiri Businjye watangiye ashimira icyizere Perezida wa Repubulika yamugiriye, yavuze ko icyangombwa ari ugukurikirana ko inzego zose z’ubutabera zigera ku nshingano zazo. Yongeraho ko no guharanira ko ubutabera mpuzamahanga bwafasha mu kohereza mu Rwanda abaregwa Jenoside bari hirya no hino ku isi biri mu byihutirwa.

Simon Kamuzinzi