Abanyamakuru babiri bafashwe baca mu cyanzu cyo mu Ngoro yo mu Rukali

Deus Ntakirutimana ukorera igihe.com na mugenzi we bari kumwe witwa Ndahiro Papy ukorera City Radio bafashwe tariki 18/07/2012 baca mu cyanzu cyo mu Ngoro y’umwami Mutara wa III yo mu Rukali.

Abo banyamakuru bataye amarembo agenewe kunyurwamo n’abantu baza gusura ingoro yo mu Rukali bibaviramo gufatwa bugwate n’umwe mu bakozi uhakora ushinzwe kuyobora abahagana baje kureba amateka y’u Rwanda rwo hambere abashinja kuhavogera.

Abo banyamakuru ntibari bemerewe kuva aho bafatiwe batisobanuye bihagije kuri iryo kosa bashinjwaga n’umukozi wo mu Rukali, Nyiranziza M. Claire. Uwo mukozi wo mu Rukali yababwiraga ko nta muntu wemerewe kunyura ahantu bari banyuze.

Nyiranziza M. Claire bavuga ko yabahase ibibazo agira ati: “Mwe mutinyuka kunyura mu cyanzu muri abahe? mwaje gukora iki? Ese ninde wababwiye ko hano haba inzira?

Ibintu bitangiye gufata indi ntera abo basore bombi bisobanuye bavuga ko ari abanyamakuru ariko nabyo ntibyabasha kubavana muri ubwo bugwate bari bashyizwemo; nk’uko babyemeza.

Ndahiro Papy (ibumoso) na Deus Ntakirutimana (iburyo).
Ndahiro Papy (ibumoso) na Deus Ntakirutimana (iburyo).

Bakimara kuvuga ko ari abanyamakuru Nyiranziza yaberekeje aho abashyitsi babanza kunyura (reception) kugira ngo bahabwe uburengazira bwo gusura ingoro yo mu Rukali.

Bamaze kwerekana amakarita y’akazi bakora no gutakamba basaba imbabazi ko batazongera kunyura mu cyanzu (ahantu hatabigenewe), abo banyamakuru barekuwe; nk’uko bose babyivugira.

Ndahiro Papy agira ati: “Iyo tutagira ibyagombwa bituranga cyangwa ngo tubashe kwicisha bugufi dusabe imbabazi sinzi uko byagombaga kutugendekera kuko kunyura mu cyanzu cyo mu Rukali byari byafashwe nk’ikosa rikomeye”.

Aba banyamakuru bafashwe baca mu cyanzu cyo mu Rukali bari baje gutara amakuru ajyanye n’umuhango wo gutanga inyemezabumenyi ku bantu bakuru bigishijwe gusoma, kwandika no kubara n’umuryango w’amatorero ya Pentekote mu Rwanda ubitewemo inkunga n’imiryango mpuzamahanga ya USAID na CHF.

Jean Pierre Twizeyeyezu

kigalitoday android app mobile

Ibitekerezo   ( 17 )

Mutesha agaciro urubuga rwanyu.ubu iyi nkuru? vraiment mureke kwica itangazamakuru.

yanditse ku itariki ya: 20-07-2012  →  Musubize

m claire ni sawa , ese ubundi ingoro y’umwami ivogerwa ite?ko mutinyuka mukabura n’umuco.....kandi mujye mucisha no mugaciro, mukurikire n’amateka....suko umwami atari m u rwanda ko ingoro ye ivogerwa , kandi si we wigize umwami wa rubanda, muzabaze uko bigenda, ubundi hari anabazajya bagwa mubyo batazi, bagatema ibigabiro bye, nandi mafuti ntavuze, ingaruka zibabaho ntibanabimenye

rukatsa yanditse ku itariki ya: 20-07-2012  →  Musubize

aba banyamakuru ndabemeye cyane ubundi se badaciye mu cyanzu ngo bamenye amakuru byaba ari ibiki bari banagize imana bavutse amateka yarasibanganye bagombaga guca mu gikari bakahamenya nako mu cyanzu. mu rukari narahageze mu kwezi gushize ariko rero nta n’icyapa gihari ki9ranga ngo uraca aha. ubundi abo banyamakuru ni abantu b’abagabo ubundi se bahaciye abarinzi bahembwa n’igihugu bari bari hehe? ahubwo njjyewe nabaha akazi munshakire adresede zabo kuko ubwo ni ubutasi ku mateka y’u rwanda ahubwo bazatugezeho ibyo babaonye bitabereye amateka yacu haba aho abayavuga bibeshye cyangwa mbese bazatugezeho ibyo babonye aho baciye.ubundi nanjye nabafasha kuko u rwanda rugeze aho kubona abanyamakuru nyabo bacengera bakazana amakuru kuko za BBC n’izindi baracengera bakazana makuru ku ntambara nibakomerezeze aho. ariko abanyamakuru muri iyi minsi barakora udushya pe

mukamana yanditse ku itariki ya: 20-07-2012  →  Musubize

m claire ni sawa , ese ubundi ingoro y’umwami ivogerwa ite?ko mutinyuka mukabura n’umuco.....kandi mujye mucisha no mugaciro, mukurikire n’amateka....suko umwami atari m u rwanda ko ingoro ye ivogerwa , kandi si we wigize umwami wa rubanda, muzabaze uko bigenda, ubundi hari anabazajya bagwa mubyo batazi, bagatema ibigabiro bye, nandi mafuti ntavuze, ingaruka zibabaho ntibanabimenye

rukatsa yanditse ku itariki ya: 20-07-2012  →  Musubize

birababaje cyane kumva umunyamakuru akora ikosa nkiri!ese buriya bazi agaciro kiriya Institute?batekereza ko akamaro kaba Security baba ku marembo ari akahe?ese iyo iwabo haje abashyitsi banyura mu cyanzu?cyangwa mu gikari? tujye tumenya guha agaciro no kubaha aho tujya hose kuko natwe hari akandi gaciro biduha ubwacu

Alice yanditse ku itariki ya: 20-07-2012  →  Musubize

Hari ahantu usanga handitse ko Sauf circulation Locale bivuze ngo aha hanyurwa n’abahatuye rero iyo wibeshye ukahanyura utabwa muri yombi da!!! ahubwo iyo ufashwe ibisabanuro byawe ntibinyure abagufashe bishobora kukuviramom izindi ngaruka kandi icyo nashimira bariya basore ni uko bemeye gusaba imbabazi aribyo byerekana kwemera ikosa ryakozwe.
Nanjye iwanjye nateguye ahantu abashyitsi banyura nkabona abandi batandukiriye nababaza impamvu yabyo kuko umunyu wese unyuze mu cyanzu kandi hari inzira yabigenewe ashobora gukekwa amababa utitaye kubyo akora n’uwo ari we, Njye niko mbobona

yanditse ku itariki ya: 20-07-2012  →  Musubize

Iyi nkuru ni nziza ahubwo:

1. Baradusobanuriye ko bitamewe kunyura mucyanzu cy’urukari.
2. yumvisha ko umunyamakuru agomba gukurikiza protocols

Gakara yanditse ku itariki ya: 20-07-2012  →  Musubize

Mu busanzwe kigali today mugira inkuru ziri hejuru ariko iyi imwe ishobora kuba ibashyize hasipe!!!!.ubundi iyo ujya kwandika inkuru urabanza ukareba icyo imarira abayisoma.atari ukubeshya koko iyi nkuru imariye iki umuntu wese wayisomye?????wenda kirahari sinamenya ariko rero ubutaha niyo mwaba mwabuze story idea mwakwihangana ntimuziforger(kuzicura)!!!!Niyo waba hari icyo ufpa n’umunyamakuru mugenzi wawe si ngombwa ngo umwandike kuko hari akantu gato kabaye kandi ibyo nta n’icyo biri bwongere ku bumenyi bw’abasomyi.Mumbabarire narondogoye ariko ni ukuri mu mbwire news muri iyi nkuru ,is it interesting or not??? u’ll tell me depending on your understanding!!!!!!

nyiralone yanditse ku itariki ya: 19-07-2012  →  Musubize

kuberiki babikoze batabiherewe uruhusa

yanditse ku itariki ya: 19-07-2012  →  Musubize

Nasomye inkuru zanyu nyinshi ariko vraiment umuntu wanditse iriya nkuru yo guca mu cyanzu yize itangazamakuru cyangwa, ari hasi kabisa? ubu mubona mutitesha agaciro nka kigali today, birababaje nk’iyi nkuru imariye iki abayisoma mbese nabemeraga ariko murarantengushye mujye mwihesha agaciro.

yanditse ku itariki ya: 19-07-2012  →  Musubize

ariko ubu ndi nta n’umuco bagira abantu bagabo ese ubundi iyo baba nza kwaka karibu ntabwo bari buyihabwe? abanyamakuru nkabo rero bigishe ikinyabupfura nabo bkiyigisha

ENN yanditse ku itariki ya: 19-07-2012  →  Musubize

Ubundi se umuntu ajya guca mu cyanzu kandi amarembo ahari ashaka iki? Iyo babaza icyo bashakaga barangiza bakanabafunga

yanditse ku itariki ya: 19-07-2012  →  Musubize
1 | 2

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka