Uyu nyakwigendera ngo yasanze abandi bana ku kiyaga cya Muhazi kiri aho muri Munyiginya, batangira koga ku masaha akuze ya nimugoroba.

Aba bose ngo bogeraga ku mitumba y’insina, ariko uyu nyakwigendera ngo umutumba yogeragaho waje kumucika ararohama kuko atari azi koga.

Abaturage bo muri Munyiginya bazi koga batangiye kumushakisha ngo bamurohore ariko biba iby’ubusa kuko baje kubona umurambo saa yine z’ijoro, nyakwigendera yamaze gushiramo umwuka.

Umuyobozi w’umurenge wa Munyiginya, Semahoro Guy, yabwiye avuga ko basanzwe bashishikariza abana kwitondera ikiyaga cyane cyane mu gihe cy’imvura, ariko ngo baranasaba abayeyi kujya bagenzura abana babo kandi bakabibutsa buri gihe ko bakwiye kwibombarika ahantu hose hashobora kubatera ibyago.

Ahishakiye Jean d’Amour