Ibi kandi bijyanye n’ibibazo by’abantu bazana inyama bavanze z’amatungo atandukanye aho bamwe bafata inyama z’ingurube bakazivanga n’izihene bavuga ko zose ari iz’ihene kugirango bakunde babone amafaranga.

Ubwo abayobozi b’inzego zitandukanye barimo abanyamabanganshingwabikorwa b’imirenge n’utugari ndetse n’inzego zishinzwe umutekano mu karere ka Rusizi bari mu nama yabahuje kuri uyu wa 01/11/2013 basabwe kugenzura abaturage babo bakora ayo makosa bakababuza kuko ngo bimaze kugaragara ko hari abamaze kubigira akamenyero kandi bishobora kugira ingaruka mbi.

Abayobozi b’inzego zibanze mu ngamba zo kurwanya abakora ibitemewe n’amategeko.

Ibi byatangiye kugaragara ubwo umwe muri aba baturage y’abagaga inka ebyiri zirwaye ashaka kuzigaburira abantu hanyuma agafatwa n’inzego z’umutekano aho bahise batwika izo nka kuko ngo zabazwe zirwaye kandi inyama zifatwa zaboze.

Aha abayobozi bari bari muri iyi mana batangaza ko iki kibazo kigiye guhagurukirwa kuko ngo kiri mu bitera umutekano muke bemeza ko umuturage uzongera gufatwa abagira itungo iryariryo ryose mu rugo rwe azabihanirwa n’amategeko.

Musabwa Euphrem