Umunyamabanga nshingwabikorwa w’umurenge wa Ruhuha, Rurangirwa Fred, avuga ko bamwe mu baturage bahuye n’ako kaga bahise bacumbikirwa mu bakuranyi babo.

Yagize ati “mu gitondo cyo kuri uyu mbere hakozwe umuganda udasanzwe wo kureba uburyo hasanwa amazu yasambuwe n’umuyaga, ubu amenshi amaze kongera gusakarwa abaturage bakaba bongeye kuyasubiramo”.

Rurangirwa asaba abaturage kujya basakara amazu yabo bakayakomeza bakoresheje impurumpuru ndetse n’imikwege yabugenewe ifata inzu kuburyo idasamburwa n’umuyaga. Uretse ibyo kandi bagomba kujya batera ibiti mu ngo zabo kugirango zifate umuyaga.

Bamwe mu baturage bafite ikibazo cy’amabati yabo yangiritse, ubuyobozi bw’umurenge burimo kubashakira ubufasha bw’amabati kugirango babashe kongera gusakara amazu yabo.

Egide Kayiranga