Amakuru atugeraho avuga ko iyo mpanuka yabaye igihe abanyeshuri bo ku kigo cyitwa ADEC Ruhanga bari bavuye mu munsi mukuru w’abadivantisiti b’umunsi wa karindwi, aho uwo munyeshuri yakuruye umugozi w’amashanyarazi acomokora ibyuma bakoreshaga muri ibyo birori maze ahita afatwa n’amashanyarazi yikubita hasi.

Nkuko byatangajwe n’abanyeshuli bari kumwe na we ndetse bamwe muri bo bakaba babanje guhungabana, ngo ubwo bageragezaga kujyana Ayingeneye kwa muganga yahise ashiramo umwuka ubu umurambo we ukaba uri ku bitaro bya Muhororo.

Ubuyobozi bw’umurenge wa Gatumba burasaba abaturage kwirinda impanuka cyane cyane muri ibi bihe by’imvura, ndetse n’ibigo bihurirwamo n’abantu benshi kugira ubwishingizi kumpanuka zitandukanye.

Ernest Kalinganire