Amakuru yemezwa n’Umunyamabanga Nshingwabikorwa w’umurenge wa Musenyi, bwana Oscar Murwanashyaka aremeza ko uyu nyakwigendera ngo yari agiye koga n’abandi bana muri icyo gishanga, akaza kurigitamo. Ngo ni igishanga gifite amazi menshi n’imyobo nyinshi.

Uyu munyamabanga Nshingwabikorwa yabwiye kigali Today ko inzego zose ziri gufatanya gushakisha umurambo wa nyakwigendera, hakaba hitabajwe abapolisi bazobereye mu gukorera mu mazi kugira ngo babashe kubona umurambo wa nyakwigendera.

Abaturage bo mu gace icyi gishanga giherereyemo ngo bakunze kucyishoramo bahanyura nk’inzira ya bugufi bambukiramo mu kugenderana n’abo baziranye. Uyu munyamabanga Nshingwabikorwa ariko yahamagariye abantu bose begereye icyo gishanga kwirinda kuhanyura, ndetse n’abibwira ko bazo koga kuko bashobora gutungurwa.

Ababyeyi kandi ngo barasabwa gukomeza kubuza abana gukubagana bagana muri ayo mayira ndetse n’ahandi hose hashobora guteza ibyago.
Nyakwigendera yari mwene Gahamanyi Leonard na Twizerimana Therese batuye mu mudugudu wa Remera, Akagari ka Gicaca, Umurenge wa Musenyi mu karere ka Bugesera.

Egide Kayiranga