Umunyamabanga nshingwabikorwa w’umurenge wa Juru, Nzaba Muhimuzi Benjamin, avuga ko batabajwe n’abaturage nyuma yo kumva umuntu ataka cyane hanyuma batabaye basanga uwo mukobwa amaze gukuramo inda nawe ameze nabi.

Yagize “twihutiye kumujyana kwa muganga kugirango ubuzima bwe butaducika naho uwo yaratwite yaramaze kumukuramo amuri iruhande nawe arimo kuva amaraso menshi cyane”.

Bigirubusa Claude, umunyamabanga nshingwabikorwa w’akagari ka Rwinuma, ni umwe mu bihutiye gutabara ayo marorerwa akiba avuga ko bakeka ko uyu mukobwa yaba yakoresheje imiti kugirango akuremo iyi nda, ariko iperereza rya polisi ryahise ritangira kugirango hamenyekane ukuri kwabyo.

Uwo mukobwa yari yararetse ishuri, ayo marorerwa akaba yayakoze ubwo yari yaritabajwe n’umuturanyi we witwa Nyirahabineza Donatha ngo aze amusigarire ku bana be n’urugo kuko we arwariye mu kigo nderabuzima cya Juru kandi akaba nta mufasha w’umugabo agira.

Egide Kayiranga