Ahagana saa munani z’igicamunsi za tariki 16/06/2013, abana batatu b’abakobwa bafite imyaka iri hagati y’imyaka 5 na 9 batatswe n’imbwa irabarya ubwo banyuraga mu rwuri rwa Caleb Ndahiro. Abo bana bahise bajyanwa ku Bitaro bya Masaka kugira ngo bavurwe; nk’uko Polisi ibitangaza.

Umuvugizi wa Polisi mu Mujyi wa Kigali, Urbain Mwiseneza, arahamagarira abatunze imbwa kuzikingiza no kuzikingirana mu nzu. Agira ati: “Ni inshingano z’umuntu wese utunze imbwa cyangwa iri tungo rishobora kurya abantu bakagira ibibazo kuyakingiza.”

Ibi binashimangirwa n’umukozi ushinzwe ubworozi mu Karere ka Kicukiro, Jeannette Nyiramanzi na we arashishikariza abafite ayo matungo kuyakingiza hakiri kare; nk’uko Polisi ikomeza ibitangaza.

Nshimiyimana Leonard