Animatrice wa St Antoine ukekwaho kuba yabaye intandaro y’iyo nkongi y’umuriro ngo kubera ipasi yasize adacomokoye.

Icyateye iyo nkongi y’umuriro nticyabashije kumenyekana neza usibye ko hakekwa ko waba waturutse ku ipasi yasizwe icometse mu cyumba cya Animatrice wabanaga nabo bana b’abakobwa b’imfubyi barererwa muri icyo kigo.

Ubwo inkongi y’umuriro yafataga icyo kigo, ibyumba bitanu byafashwe ariko abaturage bafatanyije n’inzego z’umutekano batabarira hafi ibintu byinshi bitarangirika babasha kurokora bimwe muri byo.

Byageze ubwo bitabaza kizimyamwoto.

Bamwe mu baturage bagaragaye muri icyo gikorwa cyo kuzimya uwo muriro bavuga ko bifashishije imisenyi ndetse na kizimyamwoto ya polisi ikorera mu karere ka Nyanza.

Tumwe mu dukoresho babashije kurokora.

Nta muntu waguye muri iyo nkongi y’umuriro nk’uko amakuru dukesha ubuyobozi bw’Akagali ka Nyanza icyo kigo giherereyemo abitangaza.

Jean Pierre Twizeyeyezu