KT TV
Sembagare Samuel wahoze ayobora Burera yafunzwe
Sembagare Samuel wahoze ari umuyobozi w’Akarere ka Burera yatawe muri yombi, akurikiranyweho kunyereza umutungo Leta n’ibindi byaha.
Ikigo cy’Igihugu cy’Ubugenzacyaha (RIB) cyatangaje ko yatawe muri yombi hamwe n’abandi bagera kuri batanu barimo abakoranaga na we n’abari mu buyobozi bw’aka karere ubu.
Mu batawe muri yombi harimo Zaraduhaye Joseph wahoze yungirije Sembagare ku buyobozi bw’akarere. Yari ashinzwe ubukungu n’iterambere.
Abandi batawe muri yombi bari mu buyobozi buriho ni Habiyaremye Evariste, umuyobozi w’akarere ushinzwe ubukungu n’iterambere, Kamanzi Raymond usanzwe ari umunyamabanga nshingwabikorwa w’akarere na Mujyambere Stanislas ushinzwe inzego.
Ibindi byaha bakurikiranyweho harimo kwikanyiza no gukoresha umutungo wa leta mu nyungu zabo bwite.
Bose bafungiwe kuri Station ya RIB iherereye i Rusarabuye mu Karere ka Burera.
Sembagare yabaye umuyobozi w’Akarere ka Burera kuva muri 2009 kugeza muri 2016 asimbuye Bosenibamwe Aime wayoboraga aka Karere kuva mu 2006, akahava aba Guverineri w’Intara y’Amajyaruguru.
Ibyaha akurikiranyweho bishobora kuba bifitanye isano n’igihe yari akiri ku buyobozi.
Ibitekerezo ( 16 )
Ohereza igitekerezo
|
|
ahaaa uzagere muri gakenke wumve ibihavugirwa nko mubitaro bya nemba aho basinyisha abakozi kontaro zamezi nkaho arabakozi bomurugo kugirango uwobadashaka bakimwize byoroshe.
Sembagare twati tuzi ko ari inyangamugayo! none nawe ni kimwe n’abandi bose, gusa twizere ko batamubeshyera. ikababaje nuko ari umusaza cyane, uburoko buzamuhuta yitahire vuba kwa Rurema, sinzi ariko niba yakira n’abanyereza ibya Rubanda!
Pole Mzehe, Imama izakurenganure, niyo itabara!
Njye mbabazwa n,uburyo akarere ka Burera ariko kadakorera muri etage nk,utundi turere, nta kaburimbo, Reba umuhanda base butaro. Rimwe na rimwe nterwa ipfunywe no kuvuga ko mpavuka kubera ntabikorwa remezo bihagera. Nkibaza ese ntangengo y,imari akarere kagenerwa nk,utundi turere? nta batechniens akarere kagira, imihigo se abayobozi bahiga ni iyihe? Ujyanayo Imodoka yawe usuye ababyeyi ukavayo ujya Garaje. Ntabiciye kuruhande Burera wagirango si Murwanda.
Wowe wiyita mahoro uri gitifu wumurenge wananiwe nogucyemura inibazo byabaturage ahubwo uhora mu matiku. Nzamwita mumuziza kutagira ivangura ufatanyije na VM economic
Ntagahora gahanze ,bajyaho bakubaka amataje aho gukorera rubanda bagasahura igjhugu birirwa batubeshya ngobaragikunda babazwe ibyo bakoze nubwo tutarumva uwagaruye ago yanyereje
Wowe wiyita Mahoro uri gitifu w’umurenge nibyo wagambiriye nibyo wagezeho birazwi. Kora akazi va mu matiku Nzamwita arakuyobora.
Ahari bizagera naho Nzamwita Mayor wa Gakenke nawe abazwa ibyo yakoze afatanije na Kansiime wari Gitifu w’akarere. Ikigo nderabuzima cya Minazi, isoko rya kivuruga, imihanda, umuyoboro w’amazi wa Minazi. Gutonesha, kugurishya amashyamba y’Akarere akoresheje intoni ze bakayamuzanira mu ntoki.
Birababaje
ahanugushishoza pe kuko kumunga umutungo sibyo iyo imungu igiye mubishyimbo bateramo umuti ikavamo gutyo akatirwe hakurikijwe amategeko
icyokora sembagare azize ubusa akiyobora yahoranaga ubukene bwa cash zaraduhaye yaramuriye cyane ariko buryoze kunyabarika tu yaramyabaritse abahungu birira zaruswa barwiyemeziro badupfunyikira azi kubera indanini
uriya muhanda gahunga nyagahinga ngowatwaye miliyari da ntamyaka ibiri uramara ariko ntamodokanto yanyuramo imvura iratonyanga ibyobashyize heju bigahita bitemba abatechnicien bize iranyigo ntana cwa mubijyanye nimihanda nabafeke gusa umuhanda watwaye akayabo mugihegito ugasubira uko wahoze leta ijye ikurikirana nkibi zaruswa hariya zakoze alazi
manaweeeeee!🤔
gusa ndababaye pe!
sembagare nukuntu yitondaga?
gusa musabiye umugisha kumana, izamurengere.
Mwihangane nta kundi bayobozi. Imana izabafashe mufungurwe.I Burera hari umusaza witwa Sinamenye Gervain wabayeho umuyobozi. Ni umuhanga kandi abaturage baramukunda. Leta izamuhe umwanya nubwo akuze. Politique ni danger.