Polisi yagaragaje urundi rwego izanye mu kurwanya iterabwoba

Polisi yamuritse abapolisi 125 basoje amahugurwa yisumbuye mu kurwanya no gukumira iterabwoba, binyuza mu myitozo yo kwimenyereza kurirwanya.

JPEG - 37 kb
Imwe mu myitozo bakoze yo kurwanya iterabwoba

Abapolisi bahawe ayo mahugurwa baturutse mu mashami atandukanye ya Polisi y’u Rwanda, bakaba bahugurirwaga mu mu kigo cy’amahugurwa cya Polisi kiri i Gishari mu karere ka Rwamagana.

Polisi y’u Rwanda yatangaje ko iyi myitozo yari imaze ibyumweru bibiri yari ifite izina rya “Crackdown”.

Abitabiriye iyi myitozo bahawe amasomo arimo kuranga icyerekezo ku ikarita, icyo iterabwoba ari cyo n’uburyo bwo kurirwanya.

JPEG - 61.9 kb
Aba bapolis bize gukoresha ikarita mu gihe cyo gutabara

Banahawe ubunararibonye mu bikorwa byo kurwanya iterabwoba, ubutabazi bw’ibanze n’imikoreshereze y’ibikoresho by’itumanaho.

Bigishijwe n’andi masomo arimo kubasha kugereranya intera y’ahantu mu buryo bwihuse, kurwanira mu migi, gusoma ikarita no gutabara abashimuswe.

JPEG - 44.1 kb
Bakoze imyotozo itandukanye y’ubutabazi harimo no gukoresha imbwa zabugenewe

Umuyobozi mukuru wa Polisi y’u Rwanda IGP Emmanuel K. Gasana, yavuze ko iterabwoba ari ikibazo gihangayikishije isi, ku buryo gutahura ibikorwa by’abarikora no kuburizamo y’abarikora bisaba guhora witeguye.

Yagize ati "’N’ubwo mu Rwanda iterabwoba ritaragera ku rwego ruhambaye ugereranyije n’ibindi bihugu byo mu karere, mu myaka mike ishize twahuye n’ibikorwa bimwe na bimwe byaryo aho abarwanyi ba FDLR bagerageje guhungabanya umutekano mu bice binyuranye by’igihugu.’’

Aha berekanaga uko ubutabazi bw'inkomere bukorwa
Aha berekanaga uko ubutabazi bw’inkomere bukorwa

Yavuze ko n’ibikorwa bike by’iterabwoba byagaragaye mu Rwanda byatanze isomo, ku buryo inzego z’umutekano zigomba guhora ziteguye.

PROMOTED STORIES

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka