KT TV
Batatu bafashwe bambaye ibiyobyabwenge
Inzego zishinzwe kubungabunga umutekano mu Karere ka Nyagatare zafashe abagore batatu bafite inzoga zifatwa nk’ibiyobyabwenge mu Rwanda.
Bafashwe mu gitondo cyo kuri uyu wa kabiri tariki ya 19 Ukuboza 2017, ubwo bari bari mu modoka yavaga Nyagatare yerekeza i Kigali. Bafatiwe ahitwa Gihorobwa.
Izo nzoga bafatanywe ni zimwe zo mu masashi. Izo bari bafite zitwa Zebra zituruka muri Uganda. Bafashwe bazambariyeho imyenda.
Zifite agaciro k’ibihumbi 129600RWf. Buri wese yari yambariye ku ikarito yazo uretse umwe wari ufite amapaki atandatu.
Abo bagore bavuga ko kwambarira hejuru y’inzoga ari amayeri yo kugira ngo badafatwa; nkuko Mujawimana Angelique wiyemerera ko ari ubwa kabiri afatanywe izo nzoga, abisobanura.
Agira ati “Mbere bazifatiye mu gikapu, numvaga nabahejeje kuzambariraho ariko nyine ni uko bigenda nyine nabwo ndafashwe nemeye igifungo. Ahubwo nanjye sinzi icyabibabwiye pe!”
Akomeza avuga ko babanje kwambara ishati n’ikabutura hanyuma bizirikaho amashashi bakoresheje imikoba n’imigozi hanyuma barenzaho indi myambaro.
Ababonye abo bagore babanje kwibeshya ko batwite cyangwa se babyibushye.
IP Jean de Dieu Kayihura, umuvugizi wa Polisi y’igihugu mu ntara y’Iburasirazuba avuga ko kuvumbura ayo mayeri yose abacuruza ibiyobyabwenge bakoresha babikesha amakuru bahabwa n’abaturage.
Ahamagarira abaturage kwirinda kunywa no gucuruza ibiyobyabwenge kuko uretse kubagiraho ingaruka binabakururira igihombo n’igifungo.
Agira ati “Turasaba abaturage rwose babicikeho kuko urumva nk’aho bararanguye none barahombye, ikindi kandi bagomba gufungwa. Ibiyobyabwenge mu busanzwe byangiza n’ubuzima bw’ubinyoye.”
IP Kayihura avuga ko Akarere ka Nyagatare ariho hakunze kunyura inzoga zo mu mashashi na kanyanga naho Kirehe na Ngoma hakanyura urumogi.
Ibitekerezo ( 10 )
Ohereza igitekerezo
|
|
Abo Ba Byeyi Niba Alu Bwambele Nimuce Inkonizamba Mubabarie Kandi Na Bontibazongere ,begutangira Umwaka Bafunze
nibabakosore nabandibibaberesomo
Birababajecyane kubon ababyeyinkabo biteshagaciro banditseamatekamabi nabandibabyumvireho ntanyunguzibiyobyabwenge uretseigifungo twesehamwedushakire iteramberemubindi tutangijeurubyirukorwacu
abadamu kwambara ibyobiyobyabwenge ntibibakwiye pe
http://FixMonthlyincome.com/?refer=83776
Gucuruza ibiyobyabwenge nta bwenge burimo nibacuruze ibiribwa bisobanutse
mubyukuri ibiyobya bwenge bikwiye gucik mu rwanda kuko bihungabanya umutekano w’igihugu MURAKOZE PE ABO BAGORE BAHANWE URUBAKWITIYE
Bafashwe mu gitondo cyo kuri uyu wa kabiri tariki ya 19 Ukuboza 2018??
2017, umwaka mwawutangiye?
Nibabicikeho.police y’u RDA irizewe kdi iri maso.
Nibabahashe nuburaya bwaturukaga aho yabura ayo gutanga agatanga ubuzima bwe
Abo bagore bahanwe byintangarugero kuko ibibyabwenge bituma igihugu kidatera imbere.