Byari ibirori bihebuje mu mujyi wa Karongi dore ko ari ubwa mbere mu mateka y’aka karere hafungurwa urubyiniro rwujuje ibyangombwa.

Iyo Hoteli iherereye mu mujyi wa Kibuye mu murenge wa Bwishyura imaze amezi 10 ifunguye imiryango ni iy’umushoramari witwa Nahayo Vincent usanzwe afite isosiyete y’ubukerarugendo yitwa Ngungwe Chimps Travel Agency.

Urubyiniro (boite de nuit / night club) rwitwa Boom Boom Nights ruri mu nzu yo hasi (cave) y’iyo hoteli.

Boom Boom Nights, urubyiniro rushya mu mujyi wa Karongi.

Umuyobozi wungirije ushinzwe ubukungu mu karere ka Karongi, Hakizimana Sebastien, ni we wafunguye iyo hoteli ku mugaragaro, nyuma aza kwakirwa n’umuyobozi w’akarere, Kayumba Bernard, waje kwifatanya n’abandi bashyitsi kugeza mu ma saa sita z’ijoro ari nabwo bafunguye ku mugaragaro boite yitwa Boom Boom Nights, iri muri iyo hoteli.

Ibirori byaherekejwe n’abahanzi b’abanyarwanda barimo J-Polly na Rafiki n’abandi babyinnyi bari baturutse muri Uganda.

Ubuyobozi bw’akarere ka Karongi bwashimye cyane uyu mushoramari witwa Nahayo Vincent kubera uruhare rugaraga yagize mu gukura Abanyakarongi mu bwigunge, no kunganira akarere mu rugendo rugana ku iterambere rirambye.

Umuyobozi w’akarere ka (hagati), perezida wa koperative yubatse inzu hoteli ikoreramo (ibumoso) na nyiri hoteli (iburyo).

Umuyobozi w’akarere ka Karongi Kayumba Bernard, yanaboneyeho akanya ko gushima koperative yitwa Ubumwe Bwishyura yubatse inyubako iyo hoteli ikoreramo. Inakorerwamo ibindi bikorwa bitandukanye by’ubucuruzi.

Gasana Marcellin