Minisitiri w’Intebe Dr. Ngirente yifatanyije na za Minisiteri mu #Kwibuka30

Yanditswe na

Umukazana Germaine

4-05-2024 - 13:24' | Ibitekerezo ( )

Ku Gicamunsi cyo ku wa Gatanu tariki 3 Gicurasi 2024, Minisitiri w’Intebe Dr Edouard Ngirente, yifatanyije na za Minisiteri zitandukanye mu gikorwa cyo kwibuka ku nshuro ya 30 abari abakozi bazo bazize Jenoside yakorewe Abatutsi mu 1994.

Ni Minisiteri zihurije hamwe muri icyo gikorwa zirimo Ibiro bya Minisitiri w’Intebe (PRIMATURE), abayobozi n’abakozi ba Minisiteri y’Ubutabera (MINIJUST), Minisiteri y’Ibikorwa Remezo (MININFRA) n’aba Komisiyo y’Igihugu Ishinzwe Kuvugurura Amategeko (Rwanda Law Reform Commission - RLRC).