Inyungu ya Bralirwa yagabanutseho arenga miliyari 5 muri 2016

Uruganda rwa mbere rwenga inzoga n’ibinyobwa bidasembuye mu Rwanda (Bralirwa) rwatangaje ko inyungu rwabonye muri 2016 rutarishyura imisoro ingana na miliari 2 na miliyoni 670 z’amafaranga y’u Rwanda muri 2016.

Inyungu ya Bralirwa yaragabanutse muri 2016
Inyungu ya Bralirwa yaragabanutse muri 2016

Iyi mibare yatangarijwe ibiro ntaramakuru by’Abongereza, Reuteurs, ku wa 03 Mata 2017 igaragaza gusubira inyuma bikomeye kuko inyungu ya Bralirwa yagabanutseho 68% igera kuri miliyari 2 na miliyoni 670RWf ivuye kuri miliyari 8 na miliyoni 250RWf, Bralirwa yabaraga itarishyura imisoro muri 2015.

Iri gabanuka rikomeye ry’inyungu ya Bralirwa irishyira ku izamuka ry’ibiciro by’ibinyobwa byayo riherutse kuzamukaho 9%.

Bralirwa ikaba yatangarije Reuteurs ko iri gabanuka ry’inyungu ryanagize ingaruka ku nyungu z’imigabane yayo kuko yavuye ku mafaranga y’u Rwanda 6,91 muri 2015 ikagera kuri 1,36 FRW.

Nyamara, ibi bibaye mu gihe umusaruro mbumbe (chiffre d’affaire) wa Bralirwa wari uherutse kuzamukaho 6% ugera kuri miliyari 88,8 z’amafaranga y’u Rwanda.

Imigabane ingana na 75% muri Bralirwa ifitwe n’abashoramari bo mu Buholandi benga Heineken na Amstel, naho 25% by’imigabane bisigaye byashyizwe ku isoko ry’imari n’imigabane mu Rwanda.

kigalitoday android app mobile

Ibitekerezo   ( 12 )

Gout yinzoga za bralirwa yaragabanutse ninde wibuka guines uko yari imeze namafaranga yaguraga? Uzi iyubu uko imeze namafaranga igura mu 2010 wanywaga primus ugatura umubi kweri kweri gereranya niyubu! Ka skol lager urakanywa kakakugera kumushaha kdi skol inafasha rayon ikipe yabaturage harimo abantu benywera skol to support rayon ! Muhindure products za bralirwa zisindisha TWA skol unywa tune nta wasi but wanywa primus4 ? Hhhhhh

Bimenyimana pedard yanditse ku itariki ya: 7-04-2017  →  Musubize

BRALIRWA ISIGAYE IKORA INZOGA ZIBISHYE KUBURYO USANGA ABANTU BARI KUZIVAHO BAKINYWERA SKOL IKIND KUZAMURA IBICIRO BYATUMYE BENSHI BAREKA IBINYOBWA BYA RRALIRWA.

alias yanditse ku itariki ya: 7-04-2017  →  Musubize

kuzamura ibiciro bya hato na hato!yewe dusigaye twinywera skol dore ari numuterankunga wa GIKUNDIRO
yacu!

Eric yanditse ku itariki ya: 7-04-2017  →  Musubize

KUZAMURA, IBICIRO BYA HATO, NA. HATO BITUMA ABANTU BAGENDA BAREKA IBINYOBWA, BYAYO, ABANTU BARAKENA, NABO. BAKONGERA IBICIRO WIBWIRA KO WONGERA, UKUNGUKA MENSHI BAKABIREKA, UKAGABANYA BARAMENYEREYE IBINDI NA FANTA BAZAYIVAHO, HARI BYINSHI ABANTU BIBAZA, BYIBICIRO, BIBA HANO LIT YAMATA, IKAGURA, MAKE KULI LIT YAMAZI!!!

lg yanditse ku itariki ya: 6-04-2017  →  Musubize

Blarirwa nayigira inama yo gukora inzoga ziroshye kuko zisigaye ari pirate ntacyanga nkicyo mumyaka yavuba aha. kuko usanga Skol yarafatishije aho mukabari usanga abantu 8/10 banywa Skol.

Peter yanditse ku itariki ya: 6-04-2017  →  Musubize

Bazabaze Skol uko yabigenje, bahindure uburyo bwa Marketing.Begere abashobora kubamamariza neza ibinyobwa byabo. Ubu nta murayon utakinywa ikinyobwa cya Skol....

Karekezi yanditse ku itariki ya: 6-04-2017  →  Musubize

Shahu we waba umushinyaguzi gusa ubwo se wowe iyo ubona Skol ishinga depot aruko yishingikirije Aho Bralirwa iyifite ugirango bivuga iki? jya wicecekera Bralirwa ni urwengero nshuti naho Kuri qualite n’igiciro ntirushanwa ahubwo bayireberaho .Reka twinywere izo tumenyereye Primus gums guma inaduha ibyishimo banateza.

kubwayoo yanditse ku itariki ya: 22-12-2017  →  Musubize

Ikibazo nyamukuru ngirango ni uko BRALIRWA yahuye n’umukeba ukomeye ariwe SKOL; None se iyo ubona ku bantu 10 bicaye bica akanyota, 6 baba binywera ibya SKOL. N’ako kanyungu BRALIRWA isigaranye kari kuri FANTA gusa.
Ariko ndibo aho kungunguka Miliyari 2 ku gicuruzo cya miliyari 88 nagurisha nkigira mu bucuruzi bw’amafaranga (GUSHINGA BANKI) KUKO mbona za BK zunguka amamiliyari cumi na..... kandi imvune ari nke.

G yanditse ku itariki ya: 6-04-2017  →  Musubize

Bralirwa irongera ibiciro kandi igakora inzoga zibishye (ex: Huza, Mutzig light,...). Mureke Skol ibakuremo! Ariko mwatugaruriye Mutzig ikoresheje amasaka. Yararyohaga pe!

Kanyarwanda yanditse ku itariki ya: 6-04-2017  →  Musubize

Huza njyewe irandyohera

sam yanditse ku itariki ya: 6-04-2017  →  Musubize

Kimwe mu bibazo bya Bralirwa nuko abantu bamwe bavuga ko kunywa inzoga ari icyaha.Nyamara iyo wize Bible neza,usanga ahantu henshi Bible ivuga ko ushobora kunywa inzoga nkeya kugirango udasinda.Ndetse muli Yesaya 25:6,havuga ko imana iha Vino abantu ikunda.Naho muli Tito 2:3 hakavuga ko abantu batagomba kunywa inzoga nyinshi.

NDAYAMBAJE Cosma yanditse ku itariki ya: 6-04-2017  →  Musubize

None se ko BRALIRWA itangiye guhomba mu minsi ya vuba, Mbere icyunguka ntabwo BIBRIYA yabagaho.

Shakira impamvu ahandi, ntuturangaze.

mugabo yanditse ku itariki ya: 7-04-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka