Agace k’umuhanda kakozwe ni akari kamaze igihe karangiritse gakunze kugora abari ku magare na moto bitwara abantu bibakura mu mujyi wa Gisenyi bibajyana mu murenge wa Rubavu cyangwa bakomeza Kanembwe na Cyanzarwe.

Abanyamuryango ba FPR-Inkotanyi bahamya ko abahanyura batazongera kugira ibibazo no kuhinubira nk’uko byari bisanzwe.

Rucakabungo Pascal ukuriye umuryango wa FPR-Inkotanyi wo mu murenge wa Rubavu yemeza ko imyumvire abanyamuryango bafite yo gukoresha imbaraga mu kwishakamo ibisubizo buri munyarwanda wese yagombye kuyigenderaho kuko byatuma igihugu kirushaho kwigira no kwishakamo ibisubizo.

Nk’uko bigaragazwa na bamwe mu banyamuryango ba FPR-Inkotanyi, Abanyarwanda bamaze kwiga amasomo yo kwiga no kwihesha agaciro batagombeye gutegera abandi amaboko.

Sylidio Sebuharara