Izi nka zatanzwe n’abafatanyabikorwa mu iterambere b’akarere ka Gakenke n’izaguzwe ku ngengo y’imari y’akarere mu rwego rwo guteza imbere imibereho myiza y’abaturage b’amikoro make.

Gahunda ya Girinka yagize uruhare rukomeye mu kuzamura abagabiwe aho babona ifumbire n’amata. Ifumbire y’imborera yatumye bazamura umusaruro uva ku buhinzi, amata bakayanwa ndetse bakanasagurira n’isoko.

Koroza abaturage byajyanye no gutera intanga inka zidatanga umukamo uhagije kugira ngo zibyare inka zifite amaraso y’imvange. Imibare igaragaza ko zisaga 6000 zatewe intanga muri uyu mwaka wa 2012-2013.

Uretse kubyara inka zitanga umukamo, gutera inka intanga bizirinda kwandura indwara zaterwa n’ikimasa kimya inka zitandukanye.

Ariko, kutagira labotoire hafi ibika intanga ku buryo bugezweho bibangamira aborozi kuko rimwe na rimwe bazibura inka zikageza igihe cyo kurinduka.

Nshimiyimana Leonard