Intara y’Amajyepfo yihaye umuhigo w’uko muri uyu mwaka abaturage bazagerwaho n’amashanyarazi ku kigereranyo cya 10%, ariko bikaba bitagerwaho kubera kugenda biguruntege kwa EWSA.

Hari uturere twabashije kugera kuri uwo muhigo nka Kamonyi, Muhanga na Huye ariko hari utukiri inyuma nka Nyaruguru na Gisagara iri kuri 2% gusa.

Ubuyobozi bwa EWSA bwo buvuga ko ikwirakwizwa ry’umuriro w’amashanyarazi ridindizwa no kubura ibikoresho, dore ko ibyinshi bitumizwa mu mahanga.

Intege nkeya mu kwesa uwo muhigo ziragaragara mu gihe hasigaye amezi abiri gusa ngo imihigo y’uyu mwaka irangire.

Ubuyobozi bw’uturere dutandukanye bukunze kuvuga ko imihigo yatwo imwe nimwe idindizwa n’ibigo na za minisiteri zidashyira mu bikorwa ibyo biyemeje.

Ernest Kalinganire