Indege nshya B737-800NG ya RwandAir

Iyi ndege yiswe Kalisimbi yageze i Kanombe ahagana saa kumi n’igice z’umugoroba, kuri uyu wa 16 Ugushyingo 2016.

Indege yiswe Kalisimbi isukwaho amazi yakirwa i Kanombe

Yahagurutse mu mujyi wa Seattle muri Leta Zunze Ubumwe za Amerika kuwa Mbere, inyura i London mu Bwongereza, nyuma yerekeza Athens mu Bugereki, aho yavuye igana i Kigali.

Nk’uko bitangazwa n’ubuyobozi bwa Rwandair, indege nk’iyi niyo yambere igeze muri Afurika.

Indege nshya ya RwandAir yiswe Kalisimbi yageze i Kigali

John Mirenge umuyobozi mukuru wa Rwandair, yavuze ko batazongera kwakira indege zidafite interineti.

Ibaye indege ya 10 RwandAir yakiriye, mu mpera z’uku kwezi kw’Ugushyingo ikaba izakira indi izaba ari nini kuruta izo bafite zose, kandi hakazagenda haza n’izindi, nk’uko John Mirenge abivuga.

Indege Boeing B737-800N ifite imyanya 154 hakabamo 16 y’icyubahiro.

Imbere mu ndebe ya Airbus A 330/200 yitwa Ubumwe Rwandair yaherukaga kugura (photo: Mutangana Jean Bosco)

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )